Mediante a Resolución de Alcaldía deste concello, do 9 de maio de 2022, aprobouse a oferta extraordinaria de emprego público para a estabilización do emprego temporal, que cumpre as previsións da Lei 20/2021, do 28 de decembro, de medidas urxentes para a redución da temporalidade no emprego público, correspondente ás prazas que a seguir se relacionan:

– Disposición adicional 6ª da Lei 20/2021:

Persoal laboral fixo:

Grupo de clasificación	Categoría laboral	Vacantes	Xornada	Denominación	Sistema de acceso
I	Titulado superior	1	Completa	Axente de emprego e desenvolvemento local	Concurso
I	Titulado superior	1	Parcial	Arquitecto Oficina de Rehabilitación	Concurso
IV	Péon especialista	1	Completa	Peón especialista GES (coordinador)	Concurso
IV	Auxiliar	1	Completa	Auxiliar-administrativo Oficina de Rehabilitación	Concurso
V	Auxiliar	7	6-completa 1-parcial	Auxiliar de axuda a domicilio	Concurso
V	Limpador/subalterno	1	Completa	Limpador/subalterno colexios	Concurso

– Disposición adicional 6ª da Lei 20/2021:

Persoal laboral fixo discontinuo (6 meses):

Grupo de clasificación	Categoría laboral	Vacantes	Xornada	Denominación	Sistema de acceso
V	Operario condutor	1	Completa	Chófer desbrozadora	Concurso

Publícase en cumprimento do artigo 91 da Lei 7/1985, do 2 de abril, da Lei reguladora das bases de réxime local, e o artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro.

Contra a presente resolución, que pon fin á vía administrativa, pode interpor alternativamente o recurso de reposición potestativo ante a Alcaldía, no prazo dun mes, contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses, a contar desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpor o recurso de reposición potestativo, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que se poida interpor calquera outro recurso que se puidese considerar máis conveniente ao seu dereito.

Castro Caldelas, 9 de maio de 2022

Sara Inés Vega Núñez
Alcaldesa