Por Resolución da Alcaldía deste concello, do 13 de maio de 2022, aprobouse a oferta de emprego público para a estabilización do emprego temporal coas seguintes prazas:

Persoal laboral:

Grupo	Denominación	Nº vacantes	Xornada	Sistema
10	Peón de servizos múltiples	1	Completa	Concurso de méritos
02	Traballadora social	1	Completa	Concurso de méritos
08	Condutor de rozadora	1	Completa	Concurso de méritos
01	Arquitecto	1	Parcial (10 horas/mes)	Concurso de méritos

En cumprimento do artigo 91 da Lei 7/1985, do 2 de abril, reguladora das bases de réxime local, e do artigo 70.2 do texto refundido da Lei do Estatuto básico do empregado público aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello do Bolo.

Contra a presente resolución pódese interpoñer alternativamente recurso de reposición ante o alcalde, no prazo dun mes, ou recurso contencioso-administrativo, perante o xulgado do contencioso-administrativo competente ou, a elección do interesado, o que corresponda ao seu domicilio, no prazo de dous meses. Se se opta por interpoñer o recurso de reposición potestativo, non se poderá interpoñer recurso contencioso-administrativo ata que aquel sexa resolto.

Todo isto sen prexuízo de que poida interpoñer calquera outro recurso que poida considerar máis conveniente ao seu dereito.

O Bolo, 13 de maio de 2022

Manuel Corzo Macías
Alcalde presidente