Mediante Resolución do Concelleiro de Persoal, do 23 de maio de 2022, por delegación de competencias, Decreto da Alcaldía do 19 de outubro de 2020, aprobouse a oferta de emprego público para a estabilización de emprego temporal, que cumpre as previsións do artigo 2 da Lei 20/2021, do 28 de decembro, de medidas urxentes para a redución da temporalidade no emprego público, correspondentes ás prazas que a seguir se indican:
Posto |
Vacantes |
Observ. |
Proceso selectivo |
Auxiliar administrativo |
1 |
T. completo |
Concurso |
Asistente social |
1 |
T. completo |
Concurso |
Psicóloga do CIM |
1 |
T. completo |
Concurso |
Profesor/a de música |
1 |
T. completo |
Concurso |
Auxiliar de servizo de turismo e apoio o resto de servizos |
2 |
T. completo |
Concurso |
Auxiliar de turismo |
1 |
T. completo |
Concurso |
Monitor deportivo e actividades recreativas e mantemento do CEIP |
1 |
T. completo |
Concurso |
Limpeza viaria e outros servizos |
1 |
T. completo |
Concurso |
Limpeza de edificios municipais |
4 |
T. completo |
Concurso |
Operador de maquinaria e outros |
1 |
T. completo |
Concurso |
Informador/a xuvenil e outros |
1 |
T. completo |
Concurso |
Auxiliar SAD |
7 |
T. completo |
Concurso |
Técnico de Apoio a Secretaría e Admón. Electrónica |
1 |
T. completo |
Concurso |
En cumprimento do artigo 91 da Lei 7/1985, do 2 de abril, reguladora das bases de réxime local e do artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello da Pobra de Trives, no Diario Oficial de Galicia.
Contra esta resolución, que pon fin á vía administrativa, pode interpor alternativamente recurso de reposición potestativo ante o alcalde, no prazo dun mes contado desde o día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses, contado desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Se se opta por interpor o recurso de reposición potestativo non poderá interpor recurso contencioso-administrativo ata que aquel sexa resolto expresamente ou se producise a súa desestimación por silencio.
Todo isto sen prexuízo de que poida interpor calquera outro recurso que puidese estimar máis conveniente ao seu dereito.
A Pobra de Trives, 24 de maio de 2022
O alcalde
P.D.
Rubén Alfonso Armenteros Rodríguez
Concelleiro de Persoal