Mediante a Orde do 12 de maio de 2022 (Diario Oficial de Galicia número 98, do 23 de maio) establecéronse as bases reguladoras e convocouse o procedemento para adxudicar o uso de instalacións xuvenís dependentes da consellería competente en materia de Política Social e Xuventude para a realización de programas de ocio educativo e tempo libre durante a Campaña de Verán 2022 para colectivos xuvenís, nos termos establecidos na orde e coa distribución de prazas recollida no anexo I desta.

De conformidade co disposto no artigo 9.5 da orde de convocatoria, o órgano competente para resolver é a Dirección Xeral de Xuventude, Participación e Voluntariado, por delegación da persoa titular da Consellería de Política Social e Xuventude.

Así mesmo, o artigo 10 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.

Polo exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 6 de xuño de 2022, ditada no procedemento BS304A, relativa á adxudicación do uso de instalacións xuvenís ao abeiro da Orde do 12 de maio de 2022 pola que se regula o uso de instalacións xuvenís para a realización de programas de ocio educativo e tempo libre durante a Campaña de Verán 2022 para colectivos xuvenís (código de procedemento BS304A).

Segundo. Comunicar que a Resolución do 6 de xuño de 2022 que finaliza este procedemento esgota a vía administrativa e contra ela pode interpoñerse recurso contencioso- administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da súa notificación a través desta publicación no Diario Oficial de Galicia.

Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 7 de xuño de 2022

Cristina Pichel Toimil
Directora xeral de Xuventude, Participación e Voluntariado

ANEXO

Resolución do 6 de xuño de 2022, ditada no procedemento BS304A, relativa á adxudicación do uso de instalacións xuvenís ao abeiro da Orde do 12 de maio de 2022 pola que se regula o uso de instalacións xuvenís para a realización de programas de ocio educativo e tempo libre durante a Campaña de Verán 2022 para colectivos xuvenís (código de procedemento BS304A).

Mediante a Orde do 12 de maio de 2022 (Diario Oficial de Galicia número 98, do 23 de maio) establecéronse as bases reguladoras e convocouse o procedemento para adxudicar o uso de instalacións xuvenís dependentes da agora Consellería de Política Social e Xuventude para a realización de programas de ocio educativo e tempo libre durante a Campaña de Verán 2022 para colectivos xuvenís, nos termos establecidos na orde e coa distribución de prazas recollida no anexo I desta.

Unha vez comprobadas as solicitudes polo Instituto da Xuventude de Galicia, órgano instrutor do procedemento, a Comisión de Valoración prevista no artigo 9 avaliou as solicitudes admitidas a trámite de acordo cos criterios de adxudicación que se recollen no artigo 8.

Á vista do expediente e do informe da Comisión de Valoración o órgano instrutor formulou a proposta de resolución conforme o regulado no artigo 9.

Esta Dirección Xeral de Xuventude, Participación e Voluntariado é competente para resolver, por delegación da conselleira de Política Social e Xuventude, segundo o disposto no artigo 9.5.

Con base no exposto,

RESOLVO:

Primeiro. Adxudicar o uso temporal de instalacións xuvenís dependentes da Consellería de Política Social e Xuventude para a realización de programas de ocio educativo e tempo libre durante a Campaña de Verán 2022 para colectivos xuvenís, ás entidades relacionadas no anexo I, nos termos que se expoñen na dita relación.

Segundo. Denegar o uso de instalacións xuvenís dependentes da Consellería de Política Social e Xuventude para a realización de programas de ocio educativo e tempo libre durante a Campaña de Verán 2022 para colectivos xuvenís, ás entidades relacionadas no anexo II, por aplicación dos criterios de preferencia e prioridade recollidos no artigo 8.

Terceiro. Aceptar a desistencia da solicitude presentada pola Asociación de Estudiantes de Intercambio de Santiago de Compostela (expediente 2022/17) e declarar a terminación do procedemento para este expediente.

Cuarto. As entidades adxudicatarias deberán cumprir as obrigas previstas nos artigos 12, 14 e 15 da Orde do 12 de maio de 2022.

A documentación indicada nos citados artigos deberán presentala no Servizo de Xuventude e Voluntariado da Xefatura Territorial da Consellería de Política Social e Xuventude correspondente á provincia en que estea a instalación adxudicada, conforme o sinalado nos artigos 12 e 14 da orde.

Se transcorridos os prazos que se indican nos citados artigos non se cumprisen as obrigas correspondentes, declararase a perda do dereito á instalación adxudicada, a través da oportuna resolución que será ditada nos termos do artigo 21 da Lei 39/2015, do 1 de outubro, do procedemento administrativo común das administracións públicas.

Quinto. A presente resolución esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses, que comezará a contar desde o día seguinte ao da súa publicación no Diario Oficial de Galicia.

Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes, que comezará a contar a partir do día seguinte ao da súa publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro.

Sexto. A publicación desta resolución producirá os efectos de notificación, nos termos establecidos no artigo 10 da Orde do 12 de maio de 2022 e no artigo 45 da Lei 39/2015, do 1 de outubro.

Santiago de Compostela, 6 de xuño de 2022. A conselleira de Política Social e Xuventude. P.D. (Artigo 9 da Orde do 12 de maio de 2022). A directora xeral de Xuventude, Participación e Voluntariado. Cristina Pichel Toimil.

ANEXO I

Procedemento BS304A

Entidades adxudicatarias:

Expediente	Entidade adxudicataria	Localidade	Instalación adxudicada	Datas	Prazas
2022/21	Asociación Agrupación Musical do Rosal	O Rosal (Pontevedra)	Albergue xuvenil Mariña Española	25-27 de xuño	49
2022/12	Asociación Banda de Música Cultural de Teo	Teo (A Coruña)	Albergue xuvenil Mariña Española	24-28 de xuño	34
2022/1	Asociación Cultural Os Tres Reinos	A Mezquita (Ourense)	Albergue xuvenil Mariña Española	1-10 de setembro	20
2022/9	Asociación Limisi	Xinzo de Limia (Ourense)	Albergue xuvenil Mariña Española	1-10 de setembro	18
2022/10	Concello de Cangas	Cangas (Pontevedra)	Albergue xuvenil Mariña Española	1-10 de setembro	50
2022/4	Concello da Estrada	A Estrada (Pontevedra)	Campamento xuvenil Virxe de Loreto	26 de agosto-4 de setembro	60
2022/3	Concello de Negreira	Negreira (A Coruña)	Campamento xuvenil Virxe de Loreto	26 de agosto-4 de setembro	50
2022/19	Concello da Baña	A Baña (A Coruña)	Campamento xuvenil Espiñeira	26 de agosto-4 de setembro	20
2022/15	Concello de Vedra	Vedra (A Coruña)	Albergue xuvenil Area	23-30 de xuño	100
2022/22	Avada Sociedade Cooperativa Galega	Curtis (A Coruña)	Campamento xuvenil A Devesa	28 de agosto-4 de setembro	35
2022/7	Asociación Cultural, Deportiva e Xuvenil Acuxuve	Vedra (A Coruña)	Albergue xuvenil As Sinas	21-28 de xuño	120
2022/6	Asociación Cultural de Ocio e Tempo Libre Arrecó	Ribeira (A Coruña)	Campamento xuvenil Pontemaril	26-31 de agosto	60
2022/20	Escola de Tempo Libre Arenaria G-50	Padrón (A Coruña)	Campamento xuvenil Pontemaril	26 de agosto-4 de setembro	35
2022/8	Asociación de Nenos y Nenas con diabete de Galicia	Pontevedra (Pontevedra)	Campamento xuvenil Illa de Ons	21-28 de agosto	25
2022/11	Concello de Touro	Touro ( A Coruña)	Campamento xuvenil Illa de Ons	21-28 de agosto	30

ANEXO II

Procedemento BS304A

Entidades non adxudicatarias:

Expediente	Entidades non adxudicatarias	Motivo
2022/13	Concello de Boqueixón	Aplicación dos criterios de preferencia e prioridade regulados no artigo 8 da orde.
2022/14	Concello de San Cibrao das Viñas	Aplicación dos criterios de preferencia e prioridade regulados no artigo 8 da orde.
2022/16	Asociación de Estudantes Nova Hércules	Aplicación dos criterios de preferencia e prioridade regulados no artigo 8 da orde.
2022/18	Asociación Antonio Noche	Aplicación dos criterios de preferencia e prioridade regulados no artigo 8 da orde.