Segundo o artigo 9.4 da Lei 8/2013, do 28 de xuño, de estradas de Galicia, os cambios de titularidade das estradas ou treitos delas, cando non se trate de travesías urbanas ou treitos destas que estean incluídos no inventario de travesías da súa Administración titular, deberán ser aprobados mediante decreto da Xunta de Galicia, por proposta da consellería competente en materia de estradas e logo do acordo entre as administracións afectadas.
Por outra parte, a citada Lei de estradas dispón no artigo 9.7 que os cambios de titularidade poderán abranguer estradas, treitos delas, elementos funcionais e/ou espazos da zona de dominio público adxacente.
O Concello de Gondomar solicítalle á Xunta de Galicia a transferencia de titularidade dos treitos antigos das estradas de titularidade autonómica PO-331, PO-332, PO-340 e PO-344.
A Axencia Galega de Infraestruturas, vistos os informes emitidos polos servizos competentes, indica que soamente hay treitos antigos susceptibles de transferir nas estradas PO-331, PO-332 e PO-340, non así na estrada PO-344.
En relación co estrada PO-331, o Catálogo da Rede autonómica de estradas de Galicia identifica erroneamente como tronco da estrada PO-331 o que é un treito antigo desta estrada (pp.qq. 18+360 a 19+150), o cal discorre en travesía polo núcleo de Gondomar, e que xurdiu do treito de novo trazado construído pola obra de ancheamento e mellora da estrada PO-340, treito Gondomar-Couso, de clave N/PO/89.2-M1. Este treito de novo trazado construído é a variante ao núcleo de Gondomar polo noroeste, e conecta a estrada PO-331 no seu p.q. 18+360 ME coa estrada PO-340 no seu p.q. 17+940 MD, constituíndo o tronco da estrada PO-331 a partir do seu p.q. 18+360, polo que así debe recollerse no Catálogo da Raega, suprimindo o dito treito antigo desta estrada que discorre polo núcleo de Gondomar e incluíndoo nesta transferencia ao Concello de Gondomar.
Os treitos antigos das estradas autonómicas PO-331, PO-332 e PO-340 carecen de funcionalidade dentro da Rede autonómica de estradas de Galicia, polo que reúnen as condicións necesarias para que a súa titularidade lle sexa transferida ao Concello de Gondomar. Así pois, formúlase proposta favorable á transferencia de titularidade, por razóns dunha xestión administrativa coherente e eficiente coa realidade das marxes destas estradas, dos treitos que se definen no artigo 1, xunto coa súa franxa de dominio público viario asociado.
De conformidade co anteriormente exposto, por proposta da conselleira de Infraestruturas e Mobilidade, logo de deliberación do Consello da Xunta de Galicia, na súa reunión do día vinte e un de xullo de dous mil vinte e dous,
DISPOÑO:
Artigo 1
Aprobar o cambio de titularidade a prol do Concello de Gondomar dos seguintes treitos antigos, xunto co seu dominio público viario asociado:
Denominación |
P.q.i de |
Coordenadas UTM (ETRS89 fuso 29) |
P.q.f de |
Coordenadas UTM (ETRS89 fuso 29) |
Lonx. aprox. (m) |
Treito antigo da PO-331 |
12+320 MD |
X=522.959 Y=4.666.888 |
12+460 MD |
X=522.849 Y=4.666.804 |
146 |
Treito antigo da PO-331 |
14+520 ME |
X=522.206 Y=4.665.019 |
14+580 ME |
X=522.137 Y=4.664.978 |
118 |
Treito antigo da PO-331 |
14+700 ME |
X=522.051 Y=4.664.888 |
14+760 ME |
X=522.014 Y=4.664.849 |
95 |
Treito antigo da PO-331 |
15+890 MD |
X=521.390 Y=4.664.011 |
15+960 MD |
X=521.319 Y=4.664.009 |
71 |
Treito antigo da PO-331 |
17+560 ME |
X=520.363 Y=4.663.165 |
17+650 ME |
X=520.313 Y=4.663.091 |
132 |
Treito antigo da PO-331 |
17+760 ME |
X=520.250 Y=4.663.002 |
17+820 ME |
X=520.200 Y=4.662.957 |
150 |
Treito antigo da PO-331 |
18+110 ME |
X=520.024 Y=4.662.748 |
18+200 ME |
X=519.957 Y=4.662.681 |
112 |
Treito antigo da PO-331 (travesía de Gondomar) |
18+360 ME da PO-331 |
X=519.834 Y=4.662.595 |
16+810 MD da PO-340 |
X=519.796 Y=4.661.850 |
795 |
Treito antigo da PO-332 |
5+780 MD |
X=519.213 Y=4.663.663 |
5+890 MD |
X=519.324 Y=4.663.674 |
156 |
Treito antigo da PO-332 |
6+140 ME |
X=519.537 Y=4.663.598 |
6+200 ME |
X=519.599 Y=4.663.573 |
117 |
Treito antigo da PO-332 |
7+100 ME |
X=520.175 Y=4.663.873 |
7+150 ME |
X=520.233 Y=4.663.893 |
81 |
Treito antigo da PO-332 |
7+940 MD |
X=520.945 Y=4.664.009 |
8+010 MD |
X=520.951 Y=4.664.079 |
87 |
Treito antigo da PO-332 (zona de Pego Negro) |
8+290 MD da PO-332 |
X=521.169 Y=4.664.163 |
15+980 MD da PO-331 |
X=521.310 Y=4.664.006 |
254 |
Treito antigo da PO-340 (área de descanso) |
9+460 MD |
X=522.417 Y=4.658.561 |
9+720 MD |
X=522.179 Y=4.658.606 |
304 |
Treito antigo da PO-340 |
18+790 MD da PO-331 |
X=519.736 Y=4.662.188 |
17+420 MD da PO-340 |
X=519.479 Y=4.662.200 |
261 |
Artigo 2
Modificar, en aplicación do artigo 10.6.a) da LEG, o Catálogo da Rede autonómica de estradas de Galicia, aprobado polo Decreto 100/2021, do 24 de xuño, no sentido de recoller correctamente o trazado final e a denominación da estrada PO-331:
Clave |
Denominación |
Treito |
P.q.i |
P.q.f |
Lonxitude treito (km) |
Lonxitude total (km) |
Categoría funcional |
Clase de estrada |
Provincia |
PO-331 |
Torneiros (PO-511)-Gondomar oeste (PO-340) |
Torneiros (PO-511)- Gondomar oeste (PO-340) |
0+800 |
18+980 |
18,18 |
18,18 |
Complementaria |
Estrada convencional |
Pontevedra |
O documento do catálogo e as súas modificacións posteriores poderán consultarse na páxina web da Consellería de Infraestruturas e Mobilidade:
https://infraestruturasemobilidade.xunta.gal/tema/c/CIV_Infraestruturas_Estradas
Artigo 3
De acordo co establecido no artigo 9.6 da Lei 8/2013, do 28 de xuño, de estradas de Galicia, o cambio de titularidade será efectivo o día seguinte ao da publicación deste decreto no Diario Oficial de Galicia. A entrega dos bens formalizarase no prazo dos dous meses seguintes a esta publicación mediante a sinatura da correspondente acta de entrega.
Esta acta de entrega e os seus planos poderán consultarse na páxina web da Consellería de Infraestruturas e Mobilidade:
https://infraestruturasemobilidade.xunta.gal/estradas/rede-autonomica/raega
Artigo 4
Correspóndenlle ao Concello de Gondomar, a partir da formalización da entrega, todas as actividades de xestión, mantemento, conservación e explotación, así como o exercicio das funcións de disciplina viaria e calquera outra que puider corresponderlle como nova Administración titular.
Disposición derradeira
Este decreto producirá efectos desde o día seguinte á súa publicación no Diario Oficial de Galicia.
Santiago de Compostela, vinte e un de xullo de dous mil vinte e dous
Alfonso Rueda Valenzuela
Presidente
Ethel Mª Vázquez Mourelle
Conselleira de Infraestruturas e Mobilidade