Tras ser aprobado inicialmente o Plan especial de infraestruturas e dotación deportivas na Sangriña, concello da Guarda, mediante a Resolución da Alcaldía do 19 de maio de 2022 sométese a un período de información pública durante o prazo de dous meses contados desde o día seguinte ao da última publicación do presente anuncio no Diario Oficial de Galicia e no Faro de Vigo.

Durante o devandito período quedará o expediente á disposición de calquera que queira examinalo ou obter copias para que se presenten as alegacións que se consideren pertinentes. Estará á disposición dos interesados na sede electrónica deste concello [http://aguarda.sedelectronica.gal].

Queda suspendido o outorgamento das licenzas nas áreas afectadas pola aprobación do Plan especial, que vén recollido na documentación gráfica (plano S_01) do documento de suspensión de licenzas incorporado ao expediente. A suspensión de licenzas estará referida ás licezas de parcelación, edificación e demolición. A duración da suspensión é de dous anos, contados desde a aprobación inicial, e extinguirase coa aprobación definitiva do planeamento.

A Guarda, 27 de xullo de 2022

Antonio Lomba Baz
Alcalde