Advertido erro na dita resolución, publicada no Diario Oficial de Galicia número 241, do venres 17 de decembro de 2021, cómpre facer a seguinte modificación na páxina 61872:
Onde di:
«1. Finalidade: axudas a proxectos colectivos que contribúan á conservación e restauración da biodiversidade e dos ecosistemas mariños no marco de actividades marisqueiras sustentables.
2. Financiamento: aplicación orzamentaria 15.03.723A.770.1, proxecto contable 201600293, cofinanciada nun 75 % polo Fondo Europeo Marítimo e de Pesca (FEMP) e o 25 % pola Comunidade Autónoma».
Debe dicir:
«1. Finalidade: axudas a proxectos de rexeneración que permitan mellorar a produtividade dos bancos marisqueiros con problemas de perda de produción e que contribúan a unha mellora da xestión e conservación sustentables dos recursos mariños.
2. Financiamento: aplicación orzamentaria 15.03.723A.770.1, proxecto contable 2016.00293».