Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese practicar...», mediante o presente anuncio convócanse todas as persoas interesadas ao levantamento das actas previas á ocupación dos bens e dereitos afectados pola instalación eléctrica denominada Regulamentación LMTA ALB804, apoios con números 36-53 (Cenlle-San Amaro), nos concellos de Cenlle e San Amaro, segundo o calendario e o horario que se sinalan no cadro anexo que máis abaixo se detalla.

Ao acto deberán comparecer as persoas propietarias ou titulares de dereitos sobre os bens afectados, por si ou representadas por persoa debidamente autorizada, que deberán exhibir o seu DNI/NIF, así como os documentos acreditativos da titularidade.

Ourense, 26 de setembro de 2022

Alicia López Míguez
Xefa territorial de Ourense

ANEXO

Relación de afectados descoñecidos, de domicilio ignorado ou non notificados

Nº de expediente: IN407A 2021/144-3.

Entidade beneficiaria: UFD Distribución Electricidad, S.A.

Concellos: Cenlle e San Amaro.

Denominación da instalación: Regulamentación LMTA ALB804, apoios con números 36-53 (Cenlle-San Amaro).

Predio nº	Titular	Incidencia	Lugar	Data	Hora
1	María Fernández Vázquez	Enderezo descoñecido	Casa do Concello de San Amaro	10.11.2022	10.15
3	Manuel Fernández Seoane	Notificación infrutuosa	Casa do Concello de Cenlle	10.11.2022	11.30