A Orde do 21 de outubro de 2021, publicada no DOG núm. 209, do 29 de outubro, estableceu os principios xerais contidos na Lei 9/2007, do 13 de xuño, de subvencións de Galicia, no relativo á concesión de bolsas e axudas para persoas traballadoras desempregadas que participen en accións formativas de formación profesional para o emprego.
O seu obxecto é regular o réxime da concesión directa de subvencións, por parte da Consellería de Promoción do Emprego e Igualdade, en concepto de bolsas e axudas para as persoas traballadoras desempregadas que participen en accións formativas no marco da formación profesional para o emprego, código de procedemento TR301V, e concretar aquelas tipoloxías de formación que quedan fóra do marco regulador da norma, como é o caso dos programas integrados de emprego, os obradoiros de emprego e as accións formativas financiadas con fondos procedentes do Mecanismo de recuperación e resiliencia.
O artigo 2.5 da dita orde establece que se poderá ampliar a contía máxima dos créditos dispoñibles para esta convocatoria. O incremento do crédito estará condicionado á declaración de dispoñibilidade do crédito como consecuencia dunha xeración, ampliación ou incorporación de crédito, ou da existencia de remanentes doutras convocatorias financiadas con cargo ao mesmo crédito ou a créditos incluídos no mesmo programa ou en programas do mesmo servizo.
A publicación da Orde do 8 de agosto de 2022 autorizou unha primeira ampliación do importe total dos créditos destinados ás bolsas e axudas previstos na Orde do 21 de outubro de 2021.
Dado o elevado volume de solicitudes de bolsas e axudas presentadas e resoltas, cómpre ampliar, con crédito incorporado e coa finalidade de facer partícipe da subvención ao maior número de beneficiarios posibles, o importe dos créditos destinados á concesión directa de bolsas e axudas para o alumnado desempregado participante en accións formativas de formación profesional para o emprego.
Consecuentemente con todo o anteriormente exposto, no exercicio das facultades que me confire o artigo 34 da Lei 1/1983, do 22 de febreiro (DOG núm. 23, do 21 de marzo), reguladora da Xunta e da súa Presidencia,
DISPOÑO:
Artigo único. Ampliación de crédito
Amplíase o importe total dos créditos destinados ás bolsas e axudas que se concederán ao abeiro da Orde do 21 de outubro de 2021, modificada pola Orde do 8 de agosto de 2022, nas seguintes contías e con créditos incorporados procedentes de fondos finalistas da seguinte aplicación e proxectos:
|
Crédito |
Aplicación |
Proxecto |
Importe |
|
|
2021 |
2022 |
|||
|
Inicial |
11.05.323A.480.0 |
2013 00545 |
100.000,00 € |
600.000,00 € |
|
2021 00149 |
400.000,00 € |
5.900.000,00 € |
||
|
Primeira ampliación |
11.05.323A.480.0 |
2013 00545 |
||
|
2021 00149 |
600.000,00 € |
|||
|
Segunda ampliación |
11.05.323A.480.0 |
2013 00545 |
||
|
2021 00149 |
452.000,00 € |
|||
|
Total |
11.05.323A.480.0 |
500.000,00 € |
7.552.000,00 € |
|
Disposición derradeira. Entrada en vigor
Esta orde entrará en vigor o día hábil seguinte ao da súa publicación no Diario Oficial de Galicia.
Santiago de Compostela, 19 de outubro de 2022
María Jesús Lorenzana Somoza
Conselleira de Promoción do Emprego e Igualdade
