Por medio do presente anuncio e para os efectos do disposto nos artigos 21 da Lei de expropiación forzosa e 20 do regulamento da Lei de expropiación forzosa, faise público que o Concello da Cañiza, en sesión plenaria do 29.9.2022, aprobou definitivamente o proxecto de expropiación, redactado polo enxeñeiro técnico agrícola José Rodríguez Espiñeira, para a execución do ámbito da modificación puntual do PXOM da Cañiza no ámbito do antigo mercado de gando, polo procedemento de taxación conxunta, e declarou expresamente a utilidade pública deste proxecto.

Así mesmo, publícase para os efectos da legal notificación a aquelas persoas afectadas que puidesen resultar descoñecidas, en virtude do previsto no artigo 44 da Lei 39/2015, do 1 de outubro, do procedemento administrativo común das administracións públicas.

Recursos: contra este acordo, que pon fin á vía administrativa, procede o recurso contencioso-administrativo ante o Xulgado do Contencioso-Administrativo de Pontevedra, no prazo de dous meses contados desde o día seguinte á recepción desta notificación, conforme o artigo 46.1 da Lei da xurisdición contencioso-administrativa. Poderá, non obstante, interpoñer, con carácter previo e potestativo, recurso de reposición ante esta administración, conforme a Lei do réxime xurídico das administracións públicas e do procedemento administrativo común (artigos 116 e 117) e a Lei reguladora das bases de réxime local (artigo 52), no prazo dun mes, contado, así mesmo, desde o día seguinte á recepción desta notificación.

A Cañiza, 5 de outubro de 2022

Luis Antonio Gómez Piña
Alcalde