En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia; no artigo 33 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, e nas demais normas de aplicación vixentes, sométese a información pública a solicitude relacionada coas instalacións que se describen a seguir:
Solicitante: Greenalia Wind Power Lamas II, S.L.U.; CIF: B70615059.
Denominación do proxecto: parque eólico Lamas II.
Concellos afectados: Baltar, Calvos de Randín e Os Blancos (Ourense).
Potencia que se vai instalar: 15 MW.
Número de aeroxeradores: 3×5 MW de potencia nominal unitaria.
Produción neta estimada: 47.334 MWh/ano.
Prazo de execución: 8 meses.
Orzamento de execución material: 11.476.452,50 €.
Localización: (coordenadas UTM, fuso 29 ETRS89).
As coordenadas que definen a poligonal do parque eólico son:
Vértice |
X |
Y |
V1 |
601.015 |
4.645.357 |
V2 |
597.098 |
4.645.357 |
V3 |
596.876 |
4.646.282 |
V4 |
597.397 |
4.647.120 |
V5 |
598.268 |
4.647.466 |
V6 |
601.723 |
4.647.292 |
A área que define a poligonal anterior ten unha superficie de 858,48 ha.
As coordenadas previstas en proxecto para os aeroxeradores e para o centro de seccionamento e control (CSC) do parque son:
X |
Y |
|
AE 01 |
598.520 |
4.647.113 |
AE 02 |
600.667 |
4.646.075 |
AE 03 |
601.122 |
4.646.562 |
CSC |
598.563 |
4.645.719 |
Características técnicas recollidas no proxecto:
– 3 aeroxeradores modelo Siemens Gamesa SG145 de 5 MW de potencia unitaria, cunha altura de buxa de 127,5 m, diámetro de rotor de 145 m, cos seus correspondentes centros de transformación, situados na propia góndola dos aeroxeradores, con potencia unitaria de 6.000 kVA e relación de transformación de 0,69/30 kV.
– Rede eléctrica soterrada a 30 kV, de interconexión en serie entre os centros de transformación dos aeroxeradores e o centro de seccionamento e control (CSC) do parque eólico, composta por dous circuítos con condutores de aluminio tipo RHZ1-OL 18/30 kV de 240 mm2 de sección, o circuíto 1 para a interconexión do aeroxerador AE 01 co CSC e o circuíto 2 para os AE 03 a AE 02 co CSC.
– Centro de seccionamento e control (CSC) do parque eólico cos seguintes elementos: unha posición con transformador de SS.AA. de 50 kVA 0,4/30 kV; unha posición de medida; dúas posicións de liña para a conexión dos aeroxeradores; e unha posición de saída de liña de protección xeral á subestación do parque eólico Lamas de Feás (expediente IN661A 2011/05-3 AT).
– Circuíto de evacuación soterrado a 30 kV, de interconexión entre o centro de seccionamento e control do parque eólico Lamas II e as celas de entrada da subestación do parque eólico Lamas de Feás, composto por un circuíto con condutores de aluminio tipo RHZ1-OL 18/30 kV de 500 mm2 de sección.
O obxecto da información pública será a autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o proxecto de interese autonómico e o estudo de impacto ambiental do parque eólico. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, visado o 7.11.2022.
2. A relación concreta e individualizada dos propietarios de bens e de dereitos afectados (RBDA), asinada o 10.11.2022.
3. O estudo de impacto ambiental (EIA), asinado o 30.11.2021.
4. O proxecto de interese autonómico, visado o 7.11.2022.
O que se fai público, de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, para o coñecemento xeral e, se for o caso, presentar as alegacións ou observacións que se coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.
Toda a documentación se poderá examinar na Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, nº 1, 32003 Ourense, nos concellos afectados e na seguinte ligazón web da Consellería:
https://ceei.xunta.gal/transparencia/informacion-publica/en-tramitacion/instalacions-de-xeracion
Ourense, 14 de novembro de 2022
Alicia María López Míguez
Xefa territorial de Ourense