Visto o expediente para outorgamento das autorizacións administrativas previa e de construción da instalación eléctrica que a seguir se describe, tal e como se recolle no proxecto asinado en Ourense polo enxeñeiro técnico industrial Tito Arias Santos, colexiado número 1010 do Colexio Oficial de Enxeñeiros Técnicos Industriais de León, o día 17.8.2022, quen acredita a súa habilitación e competencia mediante declaración responsable asinada na data indicada.

Solicitante: UFD Distribución Electricidad, S.A.; CIF: A63222533.

Domicilio social: A Batundeira, nº 2, Velle, 32960 Ourense.

Denominación: repotenciación CT 32AC21 Alastra.

Situación: concello de Vilamartín de Valdeorras (Ourense).

Orzamento: 15.474,83 €.

Características técnicas:

• Repotenciación do CTI actual -Alastra 32AC21- de 100 kVA, coa instalación de máquina de 160 kVA sobre apoio existente número 73-13-3, alimentado por LMTA RUA804 e con material illante en aceite mineral. Situación en coordenadas UTM ETRS89-fuso: 29, X: 660420 e Y: 4697029.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria, do 19 de febreiro de 2014, pola que se aproba o procedemento de autorización administrativa de construción (DOG núm. 54, do 19 de marzo), así como na Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro), esta xefatura territorial

RESOLVE:

Conceder as autorizacións administrativas previa e de construción das devanditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e, en especial, as relativas á ordenación do territorio e o ambiente.

O prazo de posta en marcha das instalacións que se autorizan será seis meses, contado a partir da data da última autorización administrativa necesaria para a súa execución.

Contra a presente resolución, que non é definitiva na vía administrativa, cabe interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.

Ourense, 31 de outubro de 2022

Alicia María López Míguez
Xefa territorial de Ourense