Mediante o Acordo da Xunta de Goberno Local, do 18 de maio de 2022, aprobouse a oferta de emprego público extraordinario de estabilización de emprego temporal e excepcional de estabilización de emprego temporal de longa duración do Concello de Cangas, que foi publicada no BOPPO nº 99, do 25 de maio de 2022.

Mediante o Acordo da Xunta de Goberno Local, do 21 de novembro de 2022, foron resoltos os recursos de reposición presentados contra aquel e dispúxose modificar a OPE citada, de tal xeito que na relación de prazas laborais, respecto ao posto de traballo, onde di: «PSICÓLOGO/A CIM», debe dicir: «PSICÓLOGO/A-DIRECTOR/A CIM», e respecto ao posto de traballo de ELECTRICISTA, categoría OFICIAL, grupo IV, no número de prazas, onde di: «1», debe dicir: «2», ambas polo sistema de concurso, e do mesmo xeito respecto ao posto de traballo de ELECTRICISTA, categoría PEÓN/PEOA, grupo V, no número de prazas onde di: «2», debe dicir: «1».

Contra este acordo, que pon fin á vía administrativa, só se poderá interpoñer recurso contencioso-administrativo, ante o Xulgado do Contencioso-Administrativo de Pontevedra, dentro do prazo de dous meses contados desde o día seguinte ao desta publicación.

Sen prexuízo de que os interesados poidan exercer, de ser o caso, calquera outro que xulguen procedente.

Cangas, 25 de novembro de 2022

María Victoria Portas Mariño
Alcaldesa