En cumprimento do establecido no artigo 2.2 da Lei 20/2021, do 28 de decembro, de medidas urxentes para a redución da temporalidade no emprego público, a Xunta de Goberno Local do Concello de Ourense do 27 de maio de 2022 aprobou a oferta de emprego público extraordinaria para a estabilización do persoal temporal, ao abeiro do establecido na Lei 20/2021, do 28 de decembro, de medidas urxentes para a redución da temporalidade no emprego público, publicada no BOP de Ourense núm. 123, do 31 de maio de 2022, e no DOG núm. 17, do 5 de xullo.
Detectado un erro respecto da clasificación da praza de técnico/a auxiliar de turismo, faise público que, mediante o Acordo da Xunta de Goberno Local do 20 de outubro de 2022, se procedeu á corrección e á súa publicación no BOP de Ourense núm. 265, do 19 de novembro de 2022, para que quede redactado do seguinte xeito:
1º. Rectificar o erro material relativo á clasificación da praza de técnico/a auxiliar de turismo recollida no punto I.A. do Acordo da Xunta de Goberno Local do 27 de maio de 2022, no senso de facer constar que a devandita praza está clasificada no subgrupo C1 (e non como C2, como por erro figuraba no acordo), daquela a descrición da praza queda nos seguintes termos:
I. Prazas incluídas na oferta de emprego público extraordinaria de estabilización do persoal temporal:
I.A. Prazas ocupadas por persoal funcionario interino por vacante: (...) 1 técnico/a auxiliar de turismo, escala de Administración especial, subescala de servizos especiais, clase: prazas de cometidos especiais, categoría: técnico/a auxiliar de turismo, subgrupo C1, persoal funcionario.
2º. Notifíqueselle ao interesado e publíquese o oportuno anuncio de corrección de erros na oferta de emprego público extraordinaria para a estabilización do persoal temporal.
Ourense, 23 de novembro de 2022
Gonzalo Pérez Jácome
Alcalde