En cumprimento do establecido no artigo 2.2 da Lei 20/2021, do 28 de decembro, de medidas urxentes para a redución da temporalidade no emprego público, a Xunta de Goberno Local do Concello de Ourense do 27 de maio de 2022 aprobou a oferta de emprego público extraordinaria para a estabilización do persoal temporal, ao abeiro do establecido na Lei 20/2021, do 28 de decembro, de medidas urxentes para a redución da temporalidade no emprego público, publicada no BOP de Ourense núm. 123, do 31 de maio de 2022, e no DOG núm. 17, do 5 de xullo.
Visto o recurso de reposición presentado por Santiago Conde-Corbal Tejada contra o Acordo da Xunta de Goberno Local do 27 de maio de 2022, faise público que a Xunta de Goberno Local do 27 de outubro adoptou a seguinte resolución:
1º. Estimar parcialmente o recurso de reposición interposto por Santiago Conde-Corbal Tejada contra o Acordo da Xunta de Goberno Local do 27 de maio de 2022 (BOP do 31 de maio) polo que se aprobou a oferta de emprego público extraordinaria para a estabilización do persoal temporal, no sentido de modificar a denominación e clasificación profesional da praza de técnico/a superior de orientación laboral prevista no punto I.F do acordo, para quedar definida nos seguintes termos:
1 técnico/a superior de estranxeiría e migración, escala de administración especial, subescala de servizos especiais, prazas de cometidos especiais, categoría: técnico/a superior en estranxeiría e migración, subgrupo A1, persoal funcionario.
2º. Notifíqueselle ao interesado, con indicación de que contra este acordo poderá interpoñer recurso contencioso-administrativo ante o Xulgado do Contencioso-Administrativo de Ourense, no prazo de dous meses, computados desde a data a partir do día seguinte ao da recepción da notificación, e publíquese o oportuno anuncio de modificación puntual da oferta de emprego público extraordinaria para a estabilización do persoal temporal.
Ourense, 23 de novembro de 2022
Gonzalo Pérez Jácome
Alcalde