Convocada pola Resolución do 23 de xuño de 2022 (DOG núm. 128, do 6 de xullo de 2022) a provisión de varios postos de coordinador/a de Servizo de Atención Primaria, polo sistema de libre designación, esta xerencia, á vista das solicitudes e méritos acreditados polos aspirantes, e de conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, así como no artigo 3 da Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, e de acordo co establecido na Orde do 22 de abril de 2020 (DOG núm. 82, do 29 de abril), de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde, modificada pola Orde do 25 de maio de 2020 (DOG núm. 103, do 29 de maio) e pola Orde do 13 de maio de 2022 (DOG núm. 102, do 30 de maio),

DISPÓN:

Primeiro. Resolver a convocatoria pública para a provisión de varios postos de coordinador/a de Servizo de Atención Primaria, convocados pola Resolución do 23 de xuño de 2022 (DOG núm. 128, do 6 de xullo).

Segundo. Nomear para os postos que se indican as persoas citadas no anexo desta resolución.

Terceiro. Os/as aspirantes nomeados/as deberán cesar na praza que desempeñen dentro dos tres días hábiles seguintes a aquel en que se publique a presente resolución no Diario Oficial de Galicia.

Cuarto. A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de quince días hábiles se son de distinta área de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.

Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo, e os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración Autonómica.

Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.

Quinto. Contra a presente resolución poderase interpoñer recurso de alzada, perante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

A Coruña, 23 de xaneiro de 2023

Luis Verde Remeseiro
Xerente da Área Sanitaria da Coruña e Cee

ANEXO

Denominación do posto: coordinador/a do Servizo de Atención Primaria de Arteixo.

Nome e apelidos: Laura Mouce Debasa.

DNI (*): ***3072**.

Denominación do posto: coordinador/a do Servizo de Atención Primaria de Cambre.

Nome e apelidos: Dioleyda Cajigal Leonett.

DNI (*): ***6676**.

Denominación do posto: coordinador/a do Servizo de Atención Primaria de Culleredo.

Nome e apelidos: Ana Martínez Cagiao.

DNI (*): ***2689**.

Denominación do posto: coordinador/a do Servizo de Atención Primaria de Federico Tapia.

Nome e apelidos: María del Carmen Amado Aller.

DNI (*): ***3303**.

Denominación do posto: coordinador/a do Servizo de Atención Primaria dos Mallos.

Nome e apelidos: María del Pilar Osende Barallobre.

DNI (*): ***4558**.

(*) Ocúltase parcialmente o número do documento nacional de identidade para preservar os datos de carácter persoal.