Orde do 3 de outubro de 2022 pola que se establecen as bases reguladoras das axudas destinadas á prestación de servizos de asesoramento a persoas físicas ou xurídicas titulares de explotacións agrícolas ou gandeiras, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020 e se convocan para o ano 2022 (código de procedemento MR616B) (DOG núm. 195, do 13 de outubro de 2022).

De conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos vinculados á fase de instrución publicaranse no Diario Oficial de Galicia. A devandita publicación producirá os efectos da notificación e a súa data será a única válida para o cómputo dos prazos.

A Comisión avaliou as solicitudes e elaborou unha relación de solicitudes coa puntuación que lle corresponde a cada unha, nos termos previstos no artigo 7 destas bases.

As xefaturas territoriais da Consellería do Medio Rural ditaron as propostas de resolución con base neste procedemento a partir da relación de solicitudes puntuadas, e elevaron a proposta de resolución á Dirección Xeral de Gandaría, Agricultura e Industrias Agroalimentarias, que resolverá a concesión das subvencións por delegación da persoa titular da consellería.

Por outra parte, de conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, beneficiario, cantidade concedida e finalidade ou finalidades da subvención.

Por todo o indicado,

RESOLVO:

Primeiro. Conceder as subvencións para la prestación de servizos de asesoramento a persoas físicas ou xurídicas titulares de explotacións agrícolas ou gandeiras, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020 (código de procedemento MR616B), aos solicitantes que se relacionan no anexo I, como consecuencia da aplicación dos criterios de valoración establecidos no artigo 7 da convocatoria, polas contías que se reflicten no anexo, e con cargo á aplicación orzamentaria 14.04.712B.772.4, código de proxecto 2016 00187, para os anos 2022 e 2023.

Esta axuda ten por finalidade:

A prestación de servizos de asesoramento a persoas físicas ou xurídicas titulares de explotacións agrícolas ou gandeiras no ámbito da Comunidade Autónoma de Galicia.

Segundo. Denegar as solicitudes de subvención que se relacionan no anexo II por non acadaren a puntuación mínima de 4 puntos necesaria para a concesión da subvención (tal e como se establece no artigo 7 da orde), por non cumpriren os requisitos exixidos (como se establece no artigo 4) ou como resultado da aplicación do réxime de concorrencia competitiva establecido no punto 7.a) do cadro de especificacións da orde, establecido o punto de corte en 6 puntos. No caso de empate en puntos, darase prioridade ás situacións indicadas no punto 7.b) do cadro de especificacións da orde de convocatoria. De persistir o empate, logo de aplicados estes criterios, prevalecerá a solicitude cuxa data de inscrición no Rexistro de Explotacións Agrarias de Galicia sexa máis antiga.

Terceiro. Informar os beneficiarios que figuran no anexo I desta resolución do seguinte:

a) As condicións de aplicación a estas axudas son, con carácter xeral, as establecidas na Orde desta consellería do 3 de outubro de 2022 que regula estas axudas e, supletoriamente, as establecidas na normativa autonómica, estatal e comunitaria aplicable.

b) Para a concesión desta axuda e o establecemento das súas características tivéronse en conta a información e a documentación incluídas coa solicitude de axuda. Toda alteración das condicións iniciais para a concesión das axudas previstas na orde de convocatoria e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.

c) O prazo de xustificación destas axudas é do 1 ao 15 de outubro de 2023.

d) O período dentro do cal deben realizarse os gastos subvencionables é despois da solicitude e ata o 30 de setembro de 2023.

e) Para proceder ao pagamento da subvención, o beneficiario deberá cumprir as condicións establecidas na Orde do 3 de outubro de 2022 e presentar a documentación indicada no seu artigo 28, todo iso sen superar as datas máximas de xustificación indicadas anteriormente.

f) Se o beneficiario da axuda cumpre as condicións establecidas na resolución de concesión, cumprindo cos requisitos da resolución de concesión, aboarase a totalidade da subvención concedida. De non ser así, procederase conforme o establecido no artigo 29 da Orde do 3 de outubro de 2022, relativo a incumprimentos.

g) As obrigas das empresas e das persoas traballadoras autónomas beneficiarias están relacionadas no artigo 26 da orde.

h) Conforme o disposto no artigo 26.g) da orde de convocatoria, o beneficiario da axuda deberá manter un sistema de contabilidade separado ou un código contable axeitado en relación con todas as transaccións relacionadas cos gastos subvencionados, sen prexuízo das normas xerais da contabilidade, que permita seguir unha pista de auditoría suficiente sobre os gastos financiados con este tipo de fondos de recuperación.

i) Estas axudas proceden do Fondo/programa operativo: Fondo Europeo Agrícola de Desenvolvemento Rural (Feader)

Plan: Programa de desenvolvemento rural (PDR) de Galicia 2014-2020.

Encaixe estrutural no plan:

Eixe: submedida 2.10 usos de servizos de asesoramento.

Prioridade/prioridade de investimento:

Esta submedida contribúe directamente á área focal 1A (fomentar a innovación, cooperación e o desenvolvemento da base de coñecemento das zonas rurais).

i) Estas axudas son incompatibles con calquera outra axuda da mesma natureza, concedida coa mesma finalidade ou para os mesmos investimentos e/ou gastos, con excepción das axudas correspondentes a garantías para préstamos ou derivadas doutros instrumentos financeiros comunitarios nas condicións establecidas no artigo 37 do Regulamento (UE) nº 1303/2013 do Parlamento Europeo e do Consello.

Conforme iso, se para os mesmos investimentos se solicita ou se concede un préstamo garantido e unha subvención non reembolsable, aplicaranse os límites establecidos no punto 8.a) do cadro de especificacións da orde de convocatoria.

j) O beneficiario deberá cumprir coa normativa sobre información e publicidade das axudas do Feader establecida no artigo 21 da orde de convocatoria e no anexo III do Regulamento de execución (UE) nº 808/2014.

Cuarto. Os solicitantes relacionados nos anexos I e II disporán de información máis detallada da axuda aprobada ou denegada na súa carpeta cidadá.

Quinto. Contra a presente resolución, que pon fin á vía administrativa, poderá interpoñerse potestativamente recurso de reposición perante o conselleiro do Medio Rural, no prazo dun mes contado a partir do día seguinte ao da súa notificación, ou directamente recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses a partir do día seguinte ao da súa notificación, consonte o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que os interesados poidan exercer calquera outro dereito que consideren pertinente.

Santiago de Compostela, 19 de xaneiro de 2023

O conselleiro do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e Industrias Agroalimentarias

ANEXO I

Aprobacións

Expediente	Beneficiaria	NIF	Subvención concedida (Importe)
152022000001	Agroenxeñería Galega, C.B.	E70450960	800,0000
152022000002	Celtia Agroenxeñería, S.L.	B32458564	74.800,0000
152022000003	Censea, S.C.	J70560313	67.800,0000
152022000004	Central de Frades, S. Coop. Galega	F15018534	37.600,0000
152022000005	Tecnia Rural, S.C.	J70476924	24.800,0000
152022000006	Asociación Labregas e Labregos Terras Valcarce	G70153945	27.000,0000
152022000007	Cooperativas Lácteas Unidas Clun, S. Coop. Galega	F70509096	334.000,0000
152022000008	Unións Agrarias-UPA	G15115322	948.600,0000
152022000009	Cooperativa Agraria Provincial de A Coruña, S. Coop. Galega	F15000177	79.200,0000
152022000010	Unión de Cooperativas Asociación Galega de Cooperativas Agrarias, Agaca	F15156557	169.000,0000
152022000011	Axiña	F10906568	8.400,0000
152022000012	Viña Costeira, S. Coop. Galega	F32002230	1.600,0000
272022000001	Inloga Enxeñeiros, S.L.	B27348481	73.600,0000
272022000002	Asociación de Criadores Raza Porcina Celta	G27243500	24.800,0000
272022000003	Xister, S. Coop. Galega	F27453299	14.200,0000
272022000004	O Xeixo, S. Coop. Galega	F27207323	14.600,0000
272022000005	Taxo Asesogal, S.L.	B27383876	337.800,0000
272022000006	Gabinete Técnico Agropecuario Terra Chá, S. Coop. Galega	F27268580	26.600,0000
272022000008	Pintas e Rubias Asesoramento e Xestión Integral, S. Coop. Galega	F27473636	35.200,0000
272022000009	Adsgestión, S. Coop. Galega	F27381631	169.600,0000
272022000010	Argo Xestión Agrogandeira, S.L.	B27467737	3.400,0000
272022000011	Arvitot, S.L.	B27243294	4.800,0000
272022000012	Agrotecnia Friol, S.L.	B27461649	28.200,0000
272022000013	Aira, S. Coop. Galega	F27317593	240.000,0000
272022000014	Isagal, S. Coop. Galega	F27466101	4.800,0000
272022000015	Xestega, Enxeñería Agroforestal, S.L.	B27382431	19.800,0000
272022000016	Asociación de Gandeiros A Fonsagrada	G27368455	58.400,0000
272022000017	Asociación Xestión Agrogandeira Galega, Xeagro	G27465095	64.800,0000
272022000018	Lemos, S. Coop. Galega	F27013739	60.600,0000
272022000019	Asociación de Gandeiros Agriña	G27385277	12.000,0000
272022000020	Asociación de Criadores de Ovino e Caprino de Galicia, Ovica	G15476286	13.600,0000
272022000021	Xelda Eido Rural, S.L.	B27389303	28.000,0000
272022000022	Agrupación de Productores e Productoras de Carne de Alta Montaña, Aprocam	G27256494	24.600,0000
272022000023	Agronovo Ecoloxía, S.L.	B27301092	46.200,0000
322022000001	Verín Biocoop, S. Coop. Galega	F32237505	22.400,0000
322022000002	Asociación Cultural Labrega Terras de Ourense	G32286783	16.000,0000
322022000003	Asociación Agromacen Agroandeira do Macizo Central	G32442204	51.200,0000
322022000004	Federación de Razas Autóctonas de Galicia	G32280729	13.600,0000
362022000002	Asociación Montes Baixos	G36332625	18.200,0000
362022000003	Asociación Agraria de Galicia	G94114675	49.000,0000

ANEXO II

Denegacións

Expediente	Beneficiaria	NIF	Motivo de denegación
272022000007	Asociación Gandeiros A Canle	G70473863	Incumpre o punto 5.g) do cadro de especificacións Subcontratación. Límite máximo 50 % do servizo de asesoramento
272022000024	Beealia, S.C.	J27431501	Incumpre o punto 5.g) do cadro de especificacións Subcontratación. Límite máximo 50 % do servizo de asesoramento
362022000001	Xestión Rural de Galicia	G94111689	Incumpre o punto 5.g) do cadro de especificacións Subcontratación. Límite máximo 50 % do servizo de asesoramento