O día 26 de xaneiro de 2023 publicouse no Diario Oficial de Galicia núm. 18 a Orde do 29 de decembro de 2022 pola que se establecen as bases reguladoras das axudas para a creación de empresas para as persoas agricultoras mozas, financiadas co Instrumento de recuperación da Unión Europea (EURI), para o apoio aos investimentos nas explotacións agrícolas e para a creación de empresas para o desenvolvemento de pequenas explotacións, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2023 (códigos de procedemento MR404A, MR405A e MR405B).
O artigo 21 da dita orde establece que o prazo de presentación de solicitudes será dun mes, que se contará desde o día seguinte ao da publicación da orde no Diario Oficial de Galicia.
O número de solicitudes recibidas ata a data ao abeiro desta orde permite prever que non se alcanzará a contía máxima das axudas previstas e que unha ampliación do prazo de solicitudes non prexudica os dereitos de terceiros.
En consecuencia, de conformidade co previsto no artigo 30.1.3 do Estatuto de autonomía de Galicia e no uso das facultades que me confire a Lei 9/2007, do 13 de xuño, de subvencións de Galicia, e no uso das competencias que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Artigo único. Modificación da Orde do 29 de decembro de 2022 pola que se establecen as bases reguladoras das axudas para a creación de empresas para as persoas agricultoras mozas, financiadas co Instrumento de recuperación da Unión Europea (EURI), para o apoio aos investimentos nas explotacións agrícolas e para a creación de empresas para o desenvolvemento de pequenas explotacións, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2023 (códigos de procedemento MR404A, MR405A e MR405B)
A Orde do 29 de decembro de 2022 pola que se establecen as bases reguladoras das axudas para a creación de empresas para as persoas agricultoras mozas, financiadas co Instrumento de recuperación da Unión Europea (EURI), para o apoio aos investimentos nas explotacións agrícolas e para a creación de empresas para o desenvolvemento de pequenas explotacións, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2023 (códigos de procedemento MR404A, MR405A e MR405B), queda redactada como segue:
Un. Modifícase o artigo 21, que queda redactado como segue:
Artigo 21. Prazo de presentación de solicitudes
«O prazo de presentación de solicitudes contarase desde o día seguinte ao da publicación da orde no Diario Oficial de Galicia ata o 27 de marzo de 2023. Unha vez finalizado o prazo de solicitude e antes da aprobación, non se admitirán cambios no referente aos investimentos ou aos criterios de prioridade.
As persoas solicitantes deberán ter en conta que, mentres non adquiran a condición de beneficiarias coa aprobación da axuda, non poderán transferir a solicitude a outra persoa física ou xurídica aínda no caso de que esta cumpra os requisitos e asuma os compromisos. Exceptúase o cambio de personalidade xurídica cando esta non implique ningún cambio na participación ou composición da persoa solicitante».
Dous. Modifícanse os puntos 1 e 3 do artigo 31, que quedan redactados como segue:
«1. Ser titular dunha explotación agraria inscrita a nome do solicitante da axuda, polo menos cunha antigüidade dun ano no Rexistro de Explotacións Agrarias de Galicia, de acordo co Decreto 200/2012, do 4 de outubro, polo que se regula o Rexistro de Explotacións Agrarias de Galicia, excepto para as persoas mozas que soliciten nesta mesma convocatoria a axuda para a creación de empresas para as persoas agricultoras mozas, ou que se produza unha fusión entre diferentes explotacións».
«3. Posuír a capacitación profesional suficiente no momento da solicitude, o cal se acreditará segundo se establece no Decreto 200/2012, polo que se regula o Rexistro de Explotacións Agrarias de Galicia, agás no caso de primeira instalación nesta mesma convocatoria.
As persoas xurídicas deberán acreditar que polo menos o 50 % das persoas socias posúe a capacitación suficiente. Tamén se poderá considerar cumprido pola persoa xurídica que poida demostrar que, polo menos 3 dos últimos 5 anos ata a data de apertura do prazo de solicitudes, tivo contratada de forma continua unha persoa física que cumpre a condición de capacitación profesional».
Tres. Modifícanse as seguintes claves e módulos do anexo VI, que quedan redactados como segue:
|
8017 |
Ud. tractor (por cv) |
0,00003654684×4-0,034899559146×3+10,304483869926×2-439,51801413899×+17528,952104515 |
|
8018 |
Ud fresadora/rotocultor (largo traballo, en m) |
1414,5×4-21219×3+111454×2-233064×+169577 |
|
8031 |
Ud. fertilizadora (por litros) |
0,000000000476×4-0,00000383208×3+0,009740613376×2-5,528874386238×+2594,13930205499 |
|
8045 |
Ud. pulverizador (por litros) |
1316,6e0,0013x |
|
8061 |
Ud. anciño fileirador (por largo de traballo, metros) |
-1,89194×4+77,026×3-941,49×2+6086,9×-8574,1 |
|
8222 |
Ud. cisterna xurro (en miles de litros) |
1579,7×1,1125 |
Disposición derradeira única. Entrada en vigor
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 23 de febreiro de 2023
José González Vázquez
Conselleiro do Medio Rural
