Unha vez recibida a proposta final do tribunal coas persoas candidatas que superaron o proceso selectivo, e acreditado por esta o cumprimento dos requisitos establecidos na convocatoria e precisos para o seu nomeamento como funcionarias de carreira, cómpre considerar.
Mediante a Resolución do 1 de decembro de 2021, publicada no Diario Oficial de Galicia (DOG) do 15 de decembro, convocouse o proceso selectivo para cubrir catro prazas de persoal laboral fixo do grupo I, da categoría de técnico/a superior de calidade, polo sistema de promoción interna e de acceso libre.
O 21 de decembro de 2021 publicouse a relación de postos de traballo (RPT) do persoal de administración e servizos (PAS) (Resolución do 2 de decembro), logo de negociación e acordo coa representación sindical do persoal laboral e funcionario de administración e servizos da Universidade de Vigo, que unifica nunha as dúas RPT preexistentes, unha do PAS sometido ao réxime laboral e outra do PAS regulado polo réxime funcionarial. Con este acordo, a totalidade do PAS da Universidade de Vigo pasa a figurar nunha única RPT, que entrou en vigor con efectos plenos o 1 de novembro de 2022, de acordo coa Instrución da Xerencia do 31 de outubro de 2022.
De xeito paralelo ao proceso negociador da RPT, as mesmas partes negociaron e acordaron a funcionarización voluntaria do PAS laboral, así como o procedemento mediante o que acadala a través do Acordo de funcionarización do persoal laboral fixo de administración e servizos. No seu anexo II establece a correspondencia entre as categorías profesionais do PAS laboral e as novas escalas e subescalas de PAS funcionario, para os efectos da súa integración nelas; concretamente, a categoría de técnico superior de calidade integrouse na escala técnica superior de apoio á docencia e investigación, subescala de calidade.
A seguir convocáronse os procesos selectivos para a adquisición da condición de persoal funcionario de carreira nas escalas e subescalas propias desta universidade, mediante a Resolución do 10 de febreiro de 2022 (DOG do 22 de febreiro). Estes procesos concluíron mediante a Resolución do 27 de xullo de 2022 e nomeouse o persoal que os superou con efectos do 1 de novembro de 2022.
Resulta así que, no período transcorrido entre a convocatoria da praza (1 de decembro de 2021) e a resolución do proceso selectivo, modificouse a súa condición e réxime xurídico, pasando de laboral a funcionarial.
Por conseguinte, considerando todo o exposto, a incorporación da persoa que superou o proceso selectivo debe realizarse baixo o réxime de persoal funcionario e mediante o procedemento establecido no artigo 60 da Lei 2/2015, do 29 de abril, de emprego público de Galicia.
Consecuentemente, constatado o cumprimento do previsto nas letras a) e b) do devandito artigo, consonte o disposto nas leis de función pública e de acordo coas atribucións que me confiren a Lei orgánica 2/2023, do 22 de marzo (BOE do 23 de marzo), do sistema universitario e os estatutos da Universidade de Vigo, esta reitoría
RESOLVE:
Primeiro. Nomear as persoas que se relacionan funcionaria/os de carreira da escala técnica superior de apoio á docencia e investigación, subescala de calidade, da Universidade de Vigo, con especificación do destino adxudicado:
Eduardo Iván Carrera Conde, con DNI ***5040**,
Cód. |
Denominación |
D |
CD |
CE |
FP |
SG |
T |
C |
Escala |
Sub. |
Req. |
Obs. |
01280 PF12301 |
Técnico/a de calidade |
1 |
23 |
989,12 |
C |
A1 |
M e T |
V |
Técnica superior de apoio á docencia e investigación |
Calidade |
Raquel Gandón Chapela, con DNI ***4071**,
Cód. |
Denominación |
D |
CD |
CE |
FP |
SG |
T |
C |
Escala |
Sub. |
Req. |
Obs. |
01280 PF12302 |
Técnico/a de calidade |
1 |
23 |
989,12 |
C |
A1 |
M e T |
V |
Técnica superior de apoio á docencia e investigación |
Calidade |
José Miguel Dorribo Rivera, con DNI ***8270**,
Cód. |
Denominación |
D |
CD |
CE |
FP |
SG |
T |
C |
Escala |
Sub. |
Req. |
Obs. |
01280 PF12303 |
Técnico/a de calidade |
1 |
23 |
989,12 |
C |
A1 |
M e T |
V |
Técnica superior de apoio á docencia e investigación |
Calidade |
Luis Miguel Prieto Rodríguez, con DNI ***0153**,
Cód. |
Denominación |
D |
CD |
CE |
FP |
SG |
T |
C |
Escala |
Sub. |
Req. |
Obs. |
01280 PF12304 |
Técnico/a de calidade |
1 |
23 |
989,12 |
C |
A1 |
M e T |
V |
Técnica superior de apoio á docencia e investigación |
Calidade |
COD: código |
Q: quenda de traballo, M e T- mañá e tarde |
D: dotación |
C: campus, V-Vigo |
CD: complemento de destino |
Sub.: subescala |
CE: complemento específico |
Req.: requisitos |
FP: forma de provisión, C-concurso |
Obs.: observacións |
SG: subgrupo de clasificación |
Segundo. Para adquirir a condición de persoal funcionario de carreira, deberán cumprir os requisitos exixidos no artigo 60 da Lei 2/2015, do 29 de abril, do emprego público de Galicia, e tomar posesión do posto de traballo, no prazo dun mes contado a partir do día seguinte ao da publicación desta resolución no Diario Oficial de Galicia.
Contra esta resolución, que esgota a vía administrativa, poderase interpoñer recurso perante a xurisdición contencioso-administrativa, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán optar por interpoñer contra esta resolución recurso de reposición, no prazo dun mes contado a partir do día seguinte ao da súa publicación, perante o mesmo órgano que a ditou. Neste caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición interposto, segundo o previsto no artigo 123.2 da Lei 39/2015, do 1 de outubro, do procedemento administrativo común das administracións públicas.
Vigo, 28 de abril de 2023
Manuel Joaquín Reigosa Roger
Reitor da Universidade de Vigo