BDNS (Identif.): 707762.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Entidades beneficiarias
Poderán ser beneficiarias destas axudas as persoas deportistas con nacionalidade española que estean en posesión da licenza deportiva na modalidade para a cal se presenta a solicitude. Para o grupo de tecnificación, deberán pertencer a un club deportivo galego ou sociedade anónima deportiva (SAD) dada de alta no Rexistro de Entidades Deportivas de Galicia e estar empadroada nun municipio galego, así como ter promocionado de curso en 2023.
Segundo. Obxecto
Establecer, mediante o procedemento con código PR952A, as bases reguladoras e proceder á convocatoria, en réxime de concorrencia competitiva e con sometemento aos principios de publicidade, obxectividade, transparencia, igualdade, mérito e capacidade de prazas para o CGTD, co fin de facilitar o adestramento dos/das deportistas de tecnificación e rendemento, creando un clima de adestramento e convivencia entre deportistas de diferentes especialidades deportivas, fomentando a educación integral dos deportistas que favoreza o seu desenvolvemento persoal e facilitando a mellora do seu rendemento deportivo coa finalidade de acadar o máximo nivel competitivo.
Terceiro. Bases reguladoras
Orde do 3 de xullo de 2023 pola que se establecen as bases reguladoras para a concesión de prazas, en réxime de concorrencia competitiva, de tecnificación e rendemento deportivo para o Centro Galego de Tecnificación Deportiva para a tempada 2023/24, e se procede á súa convocatoria (código de procedemento PR952A).
Cuarto. Prazo para presentar as solicitudes
O prazo para presentar as solicitudes será dun mes, contado desde o día seguinte ao da publicación desta orde no Diario Oficial de Galicia.
Santiago de Compostela, 3 de xullo de 2023
Diego Calvo Pouso
Vicepresidente primeiro e conselleiro de Presidencia, Xustiza e Deportes