DOG 138 do 20/7/2023 - RESOLUCIÓN do 27 de xuño de 2023, da Xefatura Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Ribadumia (expediente IN407A 2023/311-4).

VI. Anuncios

a) Administración autonómica

Consellería de Economía, Industria e Innovación

RESOLUCIÓN do 27 de xuño de 2023, da Xefatura Territorial de Pontevedra, pola que se somete a información pública a petición de autorización administrativa e de declaración de utilidade pública, en concreto, dunha instalación eléctrica no concello de Ribadumia (expediente IN407A 2023/311-4).

Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida de América, 38, 28028 Madrid.

Denominación: LMTS CBD808, CTC Barrantes.

Situación: Ribadumia.

Características técnicas:

Liña de media tensión subterránea (LMTS) a 20 kV, con condutor RHZ1, de 919 metros de lonxitude, con orixe no apoio existente HVH-2500/15 (F2VVDPDU) da LMTA CBD8081205, mediante un paso aéreo subterráneo, e final no centro de transformación proxectado.

Centro de transformación (CT) a 100 kVA, con relación de transformación de 20 kV/400 V, situado na parcela con referencia catastral 8351302NH1085S0001GF, na rúa Portela.

A instalación está situada en Barrantes, no municipio de Ribadumia (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno 43, 36003 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Consellería de Economía, Industria e Innovación (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 27 de xuño de 2023

Beatriz López del Olmo
Xefa territorial de Pontevedra

ANEXO

Nº expediente: IN407A 2023/311-4.

Denominación: LMTS CBD808, CTC Barrantes.

Concello: Ribadumia.

Nº	Lugar	Cultivo	Referencia catastral	Titular	CT (m2)	Afeccións
Nº	Lugar	Cultivo	Referencia catastral	Titular	CT (m2)	ml sub.	m2 sub.
1	O Con	Rústico	36046F503004550000ZU	José Basilio Castro Pintos		12,80	37,96
2	Ribadumia	Urbana	8351302NH1085S0001GF	Teresa Noya Barros	14,97	2,21	8,96