O día 27 de xaneiro de 2023, a Consellería do Medio Rural publicou a Orde do 30 de decembro de 2022 pola que se establecen as bases reguladoras das axudas para accións silvícolas de prevención dos danos causados aos bosques por incendios, desastres naturais e para o incremento da capacidade de adaptación e do valor ambiental dos ecosistemas forestais, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2023 (código de procedemento MR605A).
No seu artigo 22 precísanse as aplicacións orzamentarias e o importe económico previsto para o financiamento das ditas axudas e sinálase que a consellería competente no medio rural poderá aumentar o orzamento dispoñible para o financiamento desta orde.
A dotación orzamentaria desta orde no código de proxecto 2016 00210 na aplicación 14.03.713B.770.0 é a seguinte:
b) 14.03.713B.770.0.2016 00210 por un importe de 1.935.770,75 € distribuídos do seguinte xeito:
– 193.577,08 € ano 2023.
– 1.742.193,67 € ano 2024.
Dentro de cada tipo de beneficiario, excepto entidades locais, segundo o tipo de traballo, distribúese o crédito do seguinte xeito:
– Actuacións incluídas no artigo 5.1.b).1º (tratamentos silvícolas de masas de frondosas caducifolias, sobreiras e aciñeiras con diámetro normal medio inferior a 30 cm): 96.788,54€ para o ano 2023, 871.096,84 € para o ano 2024.
– Actuacións incluídas no artigo 5.1.b).2º (rexeneración e/ou mellora de soutos de castiñeiros): 96.788,54 € para o ano 2023, 871.096,83 € para o ano 2024.
A dotación asignada no código de proxecto 14.03.713B.770.0.2016 00210 é insuficiente tendo en conta o importe das solicitudes recibidas, polo que cómpre, mediante esta orde, ampliar a dotación orzamentaria das anualidades 2023 e 2024 para a concesión das mencionadas axudas.
Por todo o anterior procede ampliar a dotación orzamentaria asignada con cargo ás dispoñibilidades orzamentarias existentes na aplicación 14.03.713B.770.0 por importe de 600.000,00 euros, nas seguintes anualidades:
– Ano 2023: 60.000,00 euros.
– Ano 2024: 540.000,00 euros.
En consecuencia, de conformidade co previsto no artigo 30.1.3 do Estatuto de autonomía de Galicia, e no uso das facultades que me confire a Lei 9/2007, do 13 de xuño, de subvencións de Galicia, de acordo co disposto na Lei 1/1983, do 22 de febreiro, de normas reguladoras da Xunta e da súa Presidencia, e demais normativa concorrente,
DISPOÑO:
Artigo único. Modificación da orde
1 Os puntos b.5 e b.6 da letra b) do punto 1 do artigo 10 quedan redactados como segue:
«b.5. Actuacións incluídas no artigo 5.1.b).1º (tratamentos silvícolas de masas de frondosas caducifolias, sobreiras e aciñeiras con diámetro normal medio inferior a 30 cm): 1.267.885,38 €.
b.6. Actuacións incluídas no artigo 5.1.b).2º (rexeneración e/ou mellora de soutos de castiñeiros): 1.267.885,37 €».
2. A letra b) do punto 1, do artigo 22 queda como segue:
«b) 14.03.713B.770.0.2016 00210 por un importe de 2.535.770,75 € distribuídos do seguinte xeito:
– 253.577,08 € ano 2023.
– 2.282.193,67 € ano 2024.
Dentro de cada tipo de beneficiario, excepto entidades locais, segundo o tipo de traballo, distribúese o crédito do seguinte xeito:
– Actuacións incluídas no artigo 5.1.b).1º (tratamentos silvícolas de masas de frondosas caducifolias, sobreiras e aciñeiras con diámetro normal medio inferior a 30 cm): 126.788,54 € para o ano 2023, 1.141.096,84 € para o ano 2024.
– Actuacións incluídas no artigo 5.1.b).2º (rexeneración e/ou mellora de soutos de castiñeiros): 126.788,54 € para o ano 2023, 1.141.096,83 € para o ano 2024».
Disposición adicional única. Ausencia de efectos sobre o prazo de solicitudes
A modificación prevista no artigo 1 desta orde non afecta o prazo de presentación de solicitudes.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 11 de agosto de 2023
José Gónzalez Vázquez
Conselleiro do Medio Rural