O máster universitario en Xestión Sostible da Auga pola Universidade da Coruña, a Universidade de Santiago de Compostela e a Universidade de Vigo obtivo a verificación do plan de estudos polo Consello de Universidades, logo do informe favorable da Axencia para a Calidade do Sistema Universitario de Galicia, e a autorización da Comunidade Autónoma de Galicia para a súa implantación. O carácter oficial do título e a súa inscrición no Rexistro de Universidades, Centros e Títulos (RUCT) establecéronse polo Acordo do Consello de Ministros do 17 de outubro de 2023, publicado mediante a Resolución da Secretaría Xeral de Universidades do 19 de outubro de 2023 no Boletín Oficial del Estado (BOE) do 30 de outubro.

Polo exposto, de conformidade co disposto no artigo 8.3 da Lei orgánica 2/2023, do 22 de marzo, do Sistema universitario,

RESOLVO:

Publicar o plan de estudos conducente á obtención do título de máster universitario en Xestión Sostible da Auga pola Universidade da Coruña, a Universidade de Santiago de Compostela e a Universidade de Vigo, que se estrutura segundo consta no anexo.

A Coruña, 20 de novembro de 2023

Julio Ernesto Abalde Alonso
Reitor da Universidade da Coruña

ANEXO

Plan de estudos conducente á obtención do título de máster universitario en Xestión Sostible da Auga pola Universidade da Coruña,
a Universidade de Santiago de Compostela e a Universidade de Vigo

Código RUCT: 4318459.

Plan de estudos que se inicia no curso 2023/24.

Estrutura das ensinanzas (Real decreto 822/2021, anexo II, número 4.1).

1. Ámbito de coñecemento a que se adscribe o título: Arquitectura, construción, edificación e urbanismo e enxeñaría civil.

2. Distribución do plan de estudos en créditos ECTS, por tipo de materia:

Tipo de materia	Créditos ECTS
Obrigatorias (OB) Optativas (OP) Prácticas externas (PE) Traballo fin de máster (TFM)	36 24 12 18
Total	90

Os créditos optativos deben cursarse conforme a seguinte distribución:

– 6 créditos dos 12 ofertados no módulo Auga Urbana.

– 3 créditos dos 9 ofertados no módulo Enxeñaría de Procesos.

– 12 créditos dos 27 ofertados no módulo Xestión dos Recursos Híbridos.

– 3 créditos dos 9 ofertados no módulo Análise de Datos.

3. Contido do plan de estudos.

Primeiro curso

Módulo	Materia	Carácter	Créditos ECTS
Gobernanza da Auga	Auga, Sostibilidade e Ben Común	OB	3
	Contratación Pública e Fiscalidade dos Servizos de Auga Urbana	OB	3
	Dereito da Auga	OB	3
Auga Urbana	O Sistema da Auga Urbana	OB	3
	Drenaxe Urbano Sostible	OP	3
	Servizos de Auga en Medio Rural e Disperso	OP	3
	Deseño Avanzado de Redes	OP	3
	Introdución á Hidráulica e á Hidroloxía Urbana	OP	3
Enxeñaría de Procesos	Procesos Innovadores en Potabilización e Tratamento de Augas Residuais	OB	6
	Experimentación en Planta Piloto	OB	3
	Avaliación Técnico-Ambiental de Procesos	OP	3
	Retos Emerxentes	OP	3
	Tecnoloxías de Recuperación de Augas	OP	3
Xestión dos Recursos Hídricos	Análise dos Recursos Hídricos. Cambio Climático e Xestión de Extremos	OB	3
	Avaliación do Estado das Masas de Auga Superficiais	OB	3
	Economía da Auga	OB	3
	Análise de Presións e Impactos	OP	3
	Recursos Subterráneos	OP	3
	Avaliación e Xestión do Risco de Inundacións	OP	3
	Uso Agrario e Industrial da Auga	OP	3
	Limnoloxía	OP	3
	Servizos Ecosistémicos e Ecohidráulica	OP	3
	Monitorización de Cuncas Hidrolóxicas para o Seguimento do Estado das Masas de Auga	OP	3
	Avaliación Biolóxica da Calidade da Auga	OP	3
	GIS Aplicado á Xestión da Auga	OP	3
Análise de Datos	Monitorización e Procesamento da Información Xeoespacial no Ámbito da Auga	OB	3
	Análise de Datos e Fundamentos de Intelixencia Artificial	OB	3
	Aprendizaxe Automática	OP	3
	Técnicas de Optimización. Identificación de Parámetros e Inferencia Bayesiana	OP	3
	Análise Integrado de Datos. Sistemas de Decisión Multicriterio	OP	3

Segundo curso

Módulo	Materia	Carácter	Créditos ECTS
Prácticas Externas e TFM	Prácticas Externas	PE	12
	Traballo Fin de Máster	TFM	18

A unidade temporal de todas as materias é cuadrimestral.

4. Condicións de terminación.

O alumnado deberá superar 90 créditos ECTS, distribuídos como se indica no punto 2, para obter o título de máster universitario en Xestión Sostible da Auga pola Universidade da Coruña, a Universidade de Santiago de Compostela e a Universidade de Vigo.