Primeiro. A Resolución do 4 de agosto de 2022 pola que se dá publicidade do acordo do Consello de Dirección que aproba as bases reguladoras das axudas e dos préstamos parcialmente reembolsables para o financiamento dos proxectos de investimento empresarial, e se procede á súa convocatoria en réxime de concorrencia non competitiva, establece que as axudas se outorgarán por orde de presentación a aqueles solicitantes que cumpran cos requisitos establecidos nas bases ata o esgotamento dos créditos habilitados, o que, de ser o caso, se publicará no Diario Oficial de Galicia.
Segundo. O crédito dispoñible na aplicación orzamentaria 06.A1.741A.7701 para concesión de axudas era de 3.000.000 € para as axudas e tramos non reembolsables de préstamos aos proxectos de investimento empresarial xerais e investimento no sector aloxamento; e de 4.000.000 € para as axudas e tramos non reembolsables de préstamos aos proxectos de investimento en equipamento produtivo.
En virtude do anterior, e de conformidade coas facultades que teño conferidas,
RESOLVO:
Primeiro. Ordenar a publicación no Diario Oficial de Galicia do esgotamento do crédito con cargo á aplicación orzamentaria 06.A1.741A.7701 para a concesión de axudas ao abeiro da Resolución do 4 de agosto de 2022 pola que se dá publicidade do acordo do Consello de Dirección que aproba as bases reguladoras das axudas e dos préstamos parcialmente reembolsables para o financiamento dos proxectos de investimento empresarial, e se procede á súa convocatoria en réxime de concorrencia non competitiva.
Segundo. A derradeira solicitude de axuda e tramo non reembolsable de préstamo a proxectos de investimento empresarial xerais e investimento no sector aloxamento concedida antes do esgotamento do crédito foi a presentada o 23 de setembro de 2022 ás 14.39 horas, expediente IG253.2022.1.57.
A derradeira solicitude de axuda e tramo non reembolsable de préstamo a proxectos de investimento en equipamento produtivo concedida antes do esgotamento do crédito foi a presentada o 29 de setembro de 2022 ás 8.54 horas, expediente IG287.2022.1.108.
Santiago de Compostela, 20 de novembro de 2023
Covadonga Toca Carús
Directora xeral do Instituto Galego de Promoción Económica