Unha vez rematado o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala superior de seguridade e saúde no traballo, especialidade de seguridade no traballo, convocado pola Orde do 28 de febreiro de 2019 (DOG núm. 44, do 4 de marzo); e realizado o acto de elección de destino provisional previsto na Resolución do 15 de novembro de 2023 (DOG núm. 2019, do 17 de novembro), esta consellería, de conformidade co disposto na Lei 2/2015, do 29 de abril, do emprego público de Galicia, e nas demais normas concordantes,

RESOLVE:

Primeiro. Nomear persoal funcionario de carreira do corpo superior da Administración xeral da Comunidade Autónoma de Galicia, subgrupo A1, escala superior de seguridade e saúde no traballo, especialidade de seguridade no traballo, as persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destinos provisionais, segundo o disposto na base IV.6, os que figuran no mesmo anexo.

Para adquiriren a condición de persoal funcionario de carreira, as persoas a que se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes; o 15 de decembro será o primeiro día deste prazo.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da baixa médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.

Segundo. Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda e Administración Pública no prazo dun mes contado desde o día seguinte ao da súa publicación, ou directamente recurso contencioso-administrativo, no prazo dos dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de decembro de 2023

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
José María Barreiro Díaz
Director xeral da Función Pública

ANEXO

Nº orde de elección	DNI	Apelidos e nome	Posto elixido	Código do posto	Denominación	Cons.	Centro de destino	Centro directivo	Concello	Adscr.	Nivel
1	***2435**	Castro Balboa, Diego	7	EIO291010136440002	Xefatura da Área Técnica de Seg. Traballo e Hixiene Ind.	EM	Centro Territorial do Issga en Pontevedra	Servizos periféricos Instituto de Seguridade e Saúde Laboral de Galicia	Redondela	A1	26
2	***3635**	Gasalla Regueiro, Manuel	3	EIO291000027001007	Técnico/a superior de seguridade e saúde laboral	EM	Centro Territorial do Issga en Lugo	Servizos periféricos Instituto de Seguridade e Saúde Laboral de Galicia	Lugo	A1	24
3	***4816**	Torres Díaz, Alberto Pedro	2	EIO291000015001010	Técnico/a superior de seguridade e saúde laboral	EM	Centro Territorial do Issga na Coruña	Servizos periféricos Instituto de Seguridade e Saúde Laboral de Galicia	A Coruña	A1	24
4	***9700**	Janeiro Pereira, Fernando	6	EIO291000015001004	Xefatura da Sección de Seguridade no Traballo II	EM	Centro Territorial do Issga na Coruña	Servizos periféricos Instituto de Seguridade e Saúde Laboral de Galicia	A Coruña	A1-A2	25
5	***4640**	Copa Arias, María Jesús	1	EIO291000015001009	Técnico/a superior de seguridade e saúde laboral	EM	Centro Territorial do Issga na Coruña	Servizos periféricos Instituto de Seguridade e Saúde Laboral de Galicia	A Coruña	A1	24
6	***1913**	Bértoa Veiga, Gema	5	EIO291000015001002	Xefatura da Área Téc. De Seguridade Trab.e Hixiene Ind.	EM	Centro Territorial do Issga na Coruña	Servizos periféricos Instituto de Seguridade e Saúde Laboral de Galicia	A Coruña	A1	26
7	***7846**	Esperante Insua, Rosa Eva	8	EIO210000215770009	Xefatura da Sección de Formación, Divulgación e Docum.	EM	S.X. Técnica e de Planificación	Instituto de Seguridade e Saúde Laboral de Galicia	Santiago de Compostela	A1-A2	25
8	***9974**	Sáez Taboada, Carlos Alberto	Excedencia voluntaria por prestación de servizos no sector público