Para unha adecuada aplicación das taxas e os prezos da Comunidade Autónoma de Galicia, a orde a que fai referencia o título desta resolución codificou tanto as diferentes taxas como os servizos xestores que as aplican.
Ao longo do ano promulgáronse unha serie de normas que viñeron crear ou modificar os servizos xestores e as tarifas existentes, razón pola que mediante esta resolución se revisan as codificacións recollidas na orde citada, consonte a autorización contida no parágrafo 2 da disposición adicional da Orde da Consellería de Economía e Facenda, do 30 de xuño de 1992.
As normas que motivan as modificacións son as que se citan a seguir:
– Lei de medidas fiscais da Comunidade Autónoma de Galicia para 2024.
– Lei 3/2023, do 4 de xullo, reguladora dos xogos de Galicia (disposición derradeira quinta).
Por todo iso, e en virtude do parágrafo segundo da disposición adicional da Orde do 30 de xuño de 1992 referida,
RESOLVO:
Primeiro. Actualizar o anexo VI da Orde da Consellería de Economía e Facenda, do 30 de xuño de 1992, do xeito seguinte:
A) Engadindo os códigos relacionados a seguir, de maneira que se insiran no lugar que lles corresponda segundo a orde preestablecida:
|
32.29.20 |
Reclasificación de recursos da sección A) e recursos da sección C) |
|
32.57.05 |
Modificación non substancial dunha autorización ambiental integrada (AAI) |
|
32.82.00 |
Actuacións de inspección ambiental de Galicia |
|
32.82.01 |
Realización de inspeccións ambientais programadas realizadas polo persoal inspector ambiental a instalacións IPPC recollidas na epígrafe 9.3 do Real decreto lexislativo 1/2016 (granxas IPPC) |
|
32.82.02 |
Realización de inspeccións ambientais programadas realizadas polo persoal inspector ambiental a instalacións IPPC distintas das recollidas na epígrafe 9.3 do Real decreto lexislativo 1/2016 (instalacións industriais IPPC) |
|
32.82.03 |
Realización de inspeccións ambientais programadas realizadas polo persoal inspector a instalacións non afectadas polo Real decreto lexislativo 1/2016 (instalacións non IPPC) |
|
32.82.04 |
Realización de inspeccións ambientais non programadas realizadas polo persoal inspector ambiental |
B) Modificando os códigos seguintes:
|
30.39.02 |
Inscrición da xunta directiva |
|
30.39.04 |
Inscrición de modificación dos estatutos |
|
30.39.07 |
Inscrición de incorporación/separación de asociacións a unha federación ou unión de asociacións, e incorporación/separación de federacións a unha confederación |
|
30.39.08 |
Copia de estatutos |
|
30.39.09 |
Copia doutros documentos depositados no rexistro e obtención de informacións, certificacións ou listaxes |
|
30.46.01 |
Inscrición inicial no rexistro |
|
30.46.03 |
Inscrición de modificación do órgano de goberno |
|
30.46.07 |
Modificación/desembolso da dotación |
|
30.46.08 |
Constitución/modificación/supresión de comisións |
|
30.46.09 |
Nomeamento/cesamento xerencia ou membros de comisións |
|
30.46.11 |
Copia doutros documentos depositados no rexistro e obtención de informacións, certificacións ou listaxes |
|
30.46.12 |
Certificado de denominación |
|
30.46.15 |
Dilixenciado de libros |
|
30.48.00 |
Expedición e renovación da habilitación de persoal de control de acceso a espectáculos públicos e actividades recreativas |
|
30.51.05 |
Autorización da instalación e localización de máquinas de apostas |
|
30.51.06 |
Comunicación de instalación de máquinas de apostas |
|
31.04.07 |
Funcionamento e rexistro de entidades colaboradoras en materia de formación agroforestal e de protección dos animais utilizados para experimentación e outros fins científicos, incluída a docencia |
|
32.70.00 |
Tramitación dun plan ou proxecto sectorial de incidencia supramunicipal |
C) Eliminando os códigos seguintes:
|
30.10.07 |
Documentos profesionais |
|
30.11.06 |
Documentos profesionais |
|
30.40.03 |
Autorización de ampliación de horarios |
|
30.48.01 |
Participación nas probas para obter a certificación acreditativa da habilitación |
|
30.48.02 |
Expedición e renovación da habilitación |
|
31.07.28 |
Formación en materia de benestar animal |
|
32.52.27 |
Realización de inspeccións previas ao outorgamento das autorizacións para as operacións de tratamento de residuos |
|
32.57.03 |
IPPC distintas das recollidas na epígrafe 9.3 do Real decreto lexislativo 1/2016 (instalacións industriais IPPC) |
|
32.57.04 |
IPPC recollidas na epígrafe 9.3 do Real decreto lexislativo 1/2016 (granxas IPPC) |
|
32.70.01 |
Tramitación dun plan ou proxecto sectoriais de incidencia supramunicipal |
|
32.70.02 |
Tramitación dun proxecto industrial estratéxico |
Segundo. Actualizar o anexo VII da Orde da Consellería de Economía e Facenda, do 30 de xuño de 1992, que queda como segue:
Banco Santander
Banco Sabadell
BBVA
Targobank
Evo Banco
Abanca
Ibercaja
Caixabank
Caja Rural Galega
Caja Rural Zamora
Terceiro. Esta resolución entrará en vigor o día 1 de xaneiro de 2024.
Santiago de Compostela, 20 de decembro de 2023
Mª Victoria González Vázquez
Directora da Axencia Tributaria de Galicia