A Orde do 21 de xaneiro de 2021 aproba os diferentes modelos de autoliquidación do imposto sobre sucesións e doazóns na Comunidade Autónoma de Galicia e regula o procedemento e as condicións para o seu pago e presentación, así como determinadas obrigacións formais e de subministración de información tributaria.
Para adaptar os anexos da devandita orde aos diversos cambios normativos acaecidos modificáronse estes nas resolucións da Axencia Tributaria de Galicia do 14 de maio e 6 de agosto de 2021.
Nestes momentos é preciso modificar os anexos III e IV correspondentes aos modelos da autoliquidación do imposto de sucesións e doazóns, 650 e 651, aprobados mediante a Orde do 21 de xaneiro de 2021 para substituír a denominación de cartas de pagamento por exemplares para outras administracións ou oficinas, sendo competente para iso a persoa titular da Dirección da Axencia Tributaria de Galicia con base na habilitación normativa prevista na disposición adicional sexta da dita orde.
En consecuencia,
RESOLVO:
Primeiro. Modificar os anexos III e IV da Orde do 21 de xaneiro de 2021 para substituír a denominación das copias das cartas de pagamento por exemplares para outras administracións ou oficinas, que pasan a ser os seguintes: