Mediante o Decreto da Alcaldía, do 26 de decembro de 2023, resolveuse aprobar a oferta de emprego público deste concello para 2023, que comprende as prazas vacantes que non poden ser cubertas cos efectivos de persoal existentes, e cumprindo as taxas de reposición a que se refire o artigo 20 da Lei 31/2022, do 23 de decembro, de orzamentos xerais do Estado para o ano 2023, co seguinte detalle:

Praza	Tipo de vínculo xurídico (funcionario de carreira/persoal laboral fixo)	Código RPT	Número de prazas ofertadas
Auxiliar administrativo (Departamento de Tesouraría e Recadación)	Funcionario/a de carreira	02.931.02.05	1
Policía local	Funcionario/a de carreira	09.132.00.26 09.132.00.27	2 (unha por mobilidade e outra por quenda libre)
Auxiliar de axuda no fogar	Persoal laboral fixo	08.231.02.06	1
Conserxe (Departamento de Educación)	Persoal laboral fixo	16.323.00.06	1
Profesor/a de música na especialidade de pedagoxía	Persoal laboral fixo	16.320.00.16	1
Capataz de obras	Persoal laboral fixo	05.453.02.01	1 (por promoción interna)
Capataz xardíns	Persoal laboral fixo	07.172.00.02	1 (por promoción interna)
Total			8

O que se publica de conformidade co disposto no número 2 do artigo 70 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público.

A execución desta oferta de emprego público deberá desenvolverse dentro do prazo improrrogable de tres anos.

Ribeira, 26 de decembro de 2023

Luis Antonio Pérez Barral
Alcalde