Visto o texto das táboas salariais para o ano 2023 e 2024 do grupo de empresas de Stolt Sea Farm, S.A. e Acuidoiro, S.L., que se subscribiu con data do 3 de xaneiro de 2024, entre a representación empresarial e o presidente do Comité Intercentros do Grupo de Empresas de Stolt Sea Farm, S.A. y Acuidoro S.L., e de conformidade co disposto no artigo 90, puntos 2 y 3 do Real decreto lexislativo 2/2015, do 23 de outubro, polo que se aproba o texto refundido da Lei do Estatuto dos traballadores e no Real decreto 713/2010, do 28 de maio, sobre rexistro e depósito de convenios colectivos, acordos colectivos de traballo e plans de igualdade, esta Dirección Xeral de Relacións Laborais
RESOLVE:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia (Rexcon), creado mediante a Orde do 29 de outubro de 2010 (DOG nº 222, do 18 de novembro).
Segundo. Dispoñer a súa publicación no Diario Oficial de Galicia.
Santiago de Compostela, 15 de marzo de 2024
Elena Mancha Montero de Espinosa
Directora xeral de Relacións Laborais
ANEXO
Dunha parte, Jordi Trías Fita, con NIF núm. 44019370S, en nome e representación da empresa Acuidoro, S.L. e Stolt Sea Farm, S.A.
Doutra parte, en representación da parte social, Manuel Abelardo Senande Freire, con NIF núm. 78785240M, en calidade de presidente do Comité Intercentros do grupo de empresa de Stolt Sea Farm, S.A. y Acuidoro, S.L.
MANIFESTAN:
Primeiro. Que acordan asinar a actualización das táboas salariais de 2023 (anexo 1) e 2024 (anexo 2), de acordo coa cláusula de revisión salarial establecida no convenio de empresa e no convenio nacional:
Artigo 11. Convenio de empresa «Ao salario base (artigo 12) das táboas do ano 2017 e aos complementos dos artigos 13, 15 e 16 aplicaránselle uns incrementos nos anos 2018 ao 2023 iguais aos que fixe o Convenio nacional de acuicultura, co fin de garantir o mantemento da competitividade da empresa».
Artigo 20. Convenio nacional: «Establécese como táboa salarial para o ano 2023 a…, que é o resultado de incrementar os salarios definitivos de 2022 co 4 %. Finalizado 2023, se o IPC interanual de decembro de 2023 for superior ao 4 %, aplicarase un incremento adicional máximo do 1 %, con efectos do 1 de xaneiro de 2024.
Incremento salarial para 2024: ao resultado do incremento do parágrafo anterior aplicaráselle un 3 %. Finalizado 2024, se o IPC interanual de decembro de 2024 for superior ao 3 %, aplicarase un incremento adicional máximo do 1 %, con efectos do 1 de xaneiro de 2025».
Tal e como establece a acta do Comité Intercentros do 20 de decembro de 2023, «pendente de negociación no convenio de empresa, polo seu vencemento en 2023, acórdase aplicar para o ano 2024 o establecido no convenio nacional».
O indicador adiantado do IPC sitúa a súa variación anual no 3,1 % en decembro (fonte: INE).
Por iso se incrementa a táboa salarial de 2023 nun 4 % e en 2024 nun 3 % sobre o resultado do incremento de 2023.
Segundo. Que acordan asinar o calendario laboral de 2024 e os días de exceso de xornada de 2024 (anexo 3).
Terceiro. Que acordan asinar os horarios dos diferentes centros de traballo para o ano 2024.
Cuarto. Que acordan delegar en Óscar Rodríguez Mallo a sinatura, presentación e realización de calquera xestión relacionada co rexistro no Rexcon da Xunta de Galicia do convenio colectivo da empresa citada na cabeceira subscrito entre a empresa e os seus traballadores.
Así o acordan e asinan no lugar e na data indicados:
|
Asdo.: Jordi Trías |
Asdo.: Abelardo Senande |
|
Presidente SSF |
Presidente do Comité Intercentros |