En cumprimento do disposto no artigo 247.7 da Lei 9/2017, de 8 de novembro, de contratos do sector público (LCSP), faise pública a aprobación definitiva do estudo de viabilidade, mediante resolución da Axencia Galega de Infraestruturas, dando traslado da súa descrición literal:

«Resolución do 21 de febreiro de 2024, da Axencia Galega de Infraestruturas, pola que se aproba definitivamente o estudo de viabilidade de concesión do aparcadoiro do Hospital Gran Montecelo.

Antecedentes:

Primeiro. Mediante a Resolución do 3 de xuño de 2021, a Consellería de Sanidade encoméndalle á Axencia Galega de Infraestruturas o estudo de alternativas e avaliación da viabilidade do aparcadoiro para servizo do Hospital Gran Montecelo.

Segundo. Con data do 27 de xullo de 2023, o director da Axencia Galega de Infraestruturas aproba provisionalmente o estudo de viabilidade para os efectos de sometelo a información pública polo prazo dun mes segundo o disposto no número 3 do artigo 247 da LCSP.

Terceiro. Así, de acordo co establecido no artigo 247.3 da Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, o estudo de viabilidade someteuse ao trámite de información pública durante un período dun mes, contado a partir do día seguinte ao da publicación do anuncio no DOG núm. 205, do 27 de outubro de 2023, para a formulación de cantas observacións se consideren oportunas.

O proxecto de construción expúxose ao público:

• No Concello de Pontevedra.

• No Servizo de Patrimonio da Dirección Xeral de Recursos Económicos do Servizo Galego de Saúde.

• Na Dirección de Recursos Económicos da Área Sanitaria de Pontevedra e O Salnés.

Durante o período de tempo correspondente ao trámite de información pública do estudo de viabilidade do contrato de concesión do aparcadoiro do hospital Gran Montecelo (Pontevedra), efectuado entre as datas 28.10.2023 e 27.11.2023, presentáronse catro alegacións:

• Concello de Pontevedra.

• José Rey Poceiro.

• Gestión y Servicios Montecelo, S.A.

• Multiservicios Montecelo, S.A.

Como consecuencia da análise dos informes, observacións e alegacións presentados durante a dita fase de información pública do estudo de viabilidade do contrato de concesión, para os efectos do artigo 247.3 da Lei 9/2017, do 8 de novembro, de contratos do sector público, considérase que procede continuar coa tramitación do procedemento, sen modificacións no documento sometido a información pública.

RESOLVO:

Aprobar definitivamente o estudo de viabilidade de concesión do aparcadoiro do Hospital Gran Montecelo».

Santiago de Compostela, 20 de marzo de 2024

María Jesús Piñeiro Bello
Directora xeral de Recursos Económicos