O 26 de febreiro de 2024 a xefa territorial de Pontevedra ditou a resolución do expediente sancionador 20230237TA-PO contra a persoa titular do DNI 34975575G.
Tras intentar a notificación desta resolución consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non se puido efectuar, polo que mediante este anuncio notifícaselle á persoa titular do DNI 34975575G o contido do dito acordo, que figura no anexo, segundo o disposto no artigo 44 da dita lei, para o seu coñecemento.
No caso de estar conforme con esta resolución, deberá facer efectiva a multa no seguinte prazo:
1. Se a publicación se realiza entre os días 1 e 15 do mes, desde a data da publicación ata o día 20 do mes posterior ou, se este non fose hábil, ata o inmediato hábil seguinte.
2. Se a publicación se realiza entre os días 16 e último do mes, desde a data da publicación ata o día 5 do segundo mes posterior ou, se este non fose hábil, ata o inmediato hábil seguinte.
Para isto deberá empregar os impresos normalizados que lle serán facilitados nas dependencias desta xefatura territorial. O pagamento voluntario porá fin ao expediente. De non facelo así, procederase ao seu cobramento pola vía de constrinximento.
Contra a presente resolución, que non pon fin á vía administrativa, poderá interpoñer recurso de alzada ante o conselleiro de Sanidade, Edificio Administrativo San Lázaro, en Santiago de Compostela, no prazo dun mes contado desde o día seguinte ao da publicación desta resolución, de conformidade co establecido no artigo 122 da Lei 39/2015, do 1 de outubro, do procedemento administrativo común das administracións públicas.
Este anuncio expídese para que conste e lle sirva de notificación á persoa interesada, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do Boletín Oficial del Estado (BOE)
Pontevedra, 16 de abril de 2024
Natalia Botana Rey
Xefa territorial de Pontevedra
ANEXO
Número de expediente: 20230237TA-PO.
DNI da persoa denunciada: 34975575G.
Último enderezo coñecido: travesía de Vigo, 144, 9A, de Vigo, 36203 Pontevedra.
Feito imputado: suposta infracción do previsto na Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco, modificada pola Lei 42/2010, do 30 de decembro. Artigo 7.c): Prohíbese fumar: «[...] c) Centros, servizos ou establecementos sanitarios, así como nos espazos ao aire libre ou cubertos, comprendidos nos seus recintos».
Tipificación: tales feitos puideran constituír dúas infraccións administrativas, unha tipificada como leve e outra como grave dos artigos 19.2.a) e 19.3.c), respectivamente, da Lei 28/2005: «consideraranse infraccións leves: 2.a) Fumar nos lugares en que exista prohibición ou fóra das zonas habilitadas para o efecto», e, «consideraranse infraccións graves: 3.c) A acumulación de tres infraccións das previstas no apartado 2.a) do presente artigo».
Resolución: arquivamento por erro na tipificación.