O Pleno da Corporación Municipal en sesión do 1.7.2024 adoptou o seguinte acordo de aprobación definitiva do estudo de detalle relativo ao reaxuste das aliñacións no ámbito do solo urbano non consolidado denominado POL-12 Rúa Nova de Arriba. Cruce, Bueu (Pontevedra), segundo a documentación do 27.5.2024 (RE núm. 2024-RE-E-1852), e atópanse dentro do ámbito as parcelas de referencias catastrais 6061211NG1866S0001YW e 6061212NG1866S0001GW:

«1. Aprobar definitivamente o estudo de detalle relativo ao reaxuste das aliñacións no ámbito do solo urbano non consolidado denominado POL-12 Rúa Nova de Arriba. Cruce, en Bueu, promovido de oficio, segundo a documentación presentada por Antonio Agustín Iglesias Álvaro-Gracia (DNI ...3399..), mediante escrito do 27.5.2024 (RE núm. 2024-E-RE-1852).

2. Notificar este acordo aos interesados, así como proceder á súa publicación, de conformidade co establecido nos artigos 82 da Lei 2/2016 e 199 do Decreto 143/2016. Deberase realizar á inscrición do instrumento no Rexistro de Plan Urbanístico de Galicia de conformidade co disposto no artigo 88 da Lei 2/2016, do 10 de febreiro, do solo de Galicia, e 208 e seguintes do Decreto 143/2016, e ao que dispoña para ese efecto a lexislación vixente en materia de réxime local. A solicitude de inscrición do instrumento no Rexistro de Plan Urbanístico de Galicia levarase a cabo mediante o correspondente modelo normalizado establecido pola Orde do 10 de marzo de 2017 pola que se establecen os modelos normalizados de solicitudes para a inscrición, modificación e certificación de datos no Rexistro de Plan Urbanístico de Galicia, previstas no Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia».

Contra o acordo de aprobación definitiva, que pon fin á vía administrativa, pódese interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza, no prazo de dous meses contados desde o día seguinte ao da súa publicación, de conformidade co establecido nos artigos 82 da Lei 2/2016 e 199 do Decreto 143/2016, de conformidade co disposto nos artigos 10 e 46 da Lei 29/1998, do 13 de xullo, da xurisdición contencioso-administrativa.

O que se fai público en cumprimento do disposto no artigo 82 da Lei 2/2016, do 10 de febreiro, do solo de Galicia, e no artigo 199 de Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia.

Para estes efectos, o documento estudo de detalle POL-12 Rúa Nova de Arriba. Cruce estará dispoñible na páxina web do Concello de Bueu (https://concellodebueu.gal/), así como no Portal de transparencia da súa sede electrónica (bueu.sedeelectronica.gal).

Bueu, 9 de xullo de 2024

Félix Juncal Novas
Alcalde