Visto o expediente para o outorgamento de autorización administrativa previa e de construción da instalación eléctrica que a seguir se describe:

Titular: Concello de Ferrol.

Domicilio social: praza Armas, s/n, 15400 Ferrol.

Proxecto: liña de media tensión soterrada e centro de seccionamento para a subministración eléctrica a multideportivo A Malata-Ferrol (A Coruña).

Situación: ensenada da Malata, complexo polideportivo da Malata-Ferrol (A Coruña).

Características técnicas:

– Liña de alta tensión soterrada de 15 kV con inicio e final na liña de distribución SMR703 no tramo comprendido entre o apoio AN9JCRXG//16-4 e o CT 15SLZY, logo de entrar e saír no CS proxectado. Condutor RHZ1-2OL 12/15 kV (3x(1X240 mm2), Al, lonxitude aproximada total de 608 m.

– Centro de seccionamento prefabricado de manobra exterior. Tres celas con illamento SF6 con interruptor-seccionador (2 telecontroladas) e unha para SSAA (24 kV, 400 A e 16 kA).

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta dirección territorial

RESOLVE:

Conceder a autorización administrativa previa e a autorización administrativa de construción da referida instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

Esta autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal na que puidese incorrer o beneficiario no exercicio da actividade ou na explotación da instalación autorizada

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra este acordo, que non é definitivo en vía administrativa, cabe interpor recurso de alzada ante a conselleira de Economía e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que se considere pertinente.

A Coruña, 9 de maio de 2024

Isidoro Martínez Arca
Xefe territorial da Coruña