Conforme o previsto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselles ás persoas que se relacionan no anexo as resolucións ditadas pola directora xeral de Mobilidade no expediente sancionador número PO-03462-O-2023 e tres máis, por infracción da normativa sobre transporte terrestre, ao resultar infrutuosa a súa notificación postal. A eficacia desta notificación queda supeditada á súa publicación no taboleiro de edictos único do Boletín Oficial del Estado.

O texto íntegro da resolución que se notifica, xunto co resto da documentación do expediente, encóntranse á disposición das persoas interesadas na Subdirección Xeral de Inspección do Transporte.

Comunicáselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Consellería de Presidencia, Xustiza e Deportes, no prazo dun mes contado desde o día seguinte ao da publicación deste anuncio no BOE.

En caso de conformidade coa resolución sancionadora, a persoa interesada deberá aboar a multa imposta, empregando o modelo impreso que se facilitará na Subdirección Xeral de Inspección do Transporte.

No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.

Santiago de Compostela, 26 de xullo de 2024

Marta Vázquez Sanjurjo
Subdirectora xeral de Inspección do Transporte

ANEXO

Expediente Matrícula	DNI/CIF persoa sancionada	Infracción cometida Data-hora-estrada-p.q.	Precepto cualificador	Precepto sancionador	Sanción imposta
PO-03462-O-2023 3783-DCF	46096875E	Exceso de peso igual ou superior ao 25 % 29.4.2023; 7.59.00; N-640; 238,5	Artigo 140.23 da LOTT Artigo 197.26 do ROTT	Artigo 143.1.c) da LOTT Artigo 201.h) do ROTT Artigo 143.1 da LOTT	2.001 euros
PO-03729-O-2023 3296-KGF	35579882D	A realización de transportes de mercadorías incumprindo as condicións establecidas no artigo 54 da LOTT. 25.4.2023; 12.53.00; A-52; 282,162	Artigo 140.32 da LOTT Artigo 197.37 do ROTT	Artigo 201.1.g) do ROTT Artigo 143.1 da LOTT	1.001 euros
PO-03730-O-2023 3296-KGF	35579882D	Realizar transporte público de mercadorías carecendo de título habilitante. 25.4.2023; 12.53.00; A-52; 282,162	Artigo 140.1 da LOTT Artigo 197.1 do ROTT	Artigo 143.1 da LOTT Artigo 201.i) do ROTT	4.001 euros
XC-03459-O-2023 6237-LJK	71683072F	A realización de transportes privados de mercadorías utilizando para a condución do vehículo os servizos dunha persoa que requira o certificado de condutor de terceiro país (non da UE), carecendo deste. 14.3.2023; 10.10.00; AP-9M; 1,2	Artigo 197.45 do ROTT	Artigo 201.h) do ROTT	2.001 euros