O Pleno do Concello de Poio, en sesión do 25 de xuño de 2024, adoptou o acordo 5256 polo que se acordaba aprobar inicialmente o Plan especial do Porto deportivo de Combarro, conforme o indicado no artigo 75 […] da Lei 2/2016, do 10 de febreiro, do solo de Galicia.

De acordo co disposto nos artigos 75-76 da Lei 2/2016, do 10 de febreiro, do solo de Galicia, e co artigo 186 do Decreto 143/2016, do 22 de setembro, Regulamento da Lei 2/2016, sométese a información pública o dito Plan especial, durante un prazo de dous meses, mediante anuncios que se publicarán no Diario Oficial de Galicia e nun dos xornais de máis ampla difusión da provincia –o dito prazo comezará a partir do día seguinte ao da publicación deste anuncio no DOG–. Poderase acceder ao contido do Plan especial na sede electrónica do Concello de Poio, a través da seguinte ligazón:

https://concellopoio.sedelectronica.gal/transparency/25769c5e-61f2-4be6-9dc4-65f4f522bb55/, co obxecto de que se poidan formular as alegacións que se consideren oportunas.

Igualmente, en relación co asunto: expediente: 438/2018. Suspensión de licenzas Plan especial porto de Combarro, o Pleno desta corporación, na sesión realizada o 16 de xullo de 2024, adoptou o seguinte acordo:

Adoptar acordo de suspensión de outorgamento de licenzas de parcelación, edificación e demolición na área afectada polo Plan especial de ordenación portuaria de Combarro, versión dixital (febreiro de 2024), que terá unha duración máxima de dous anos contados desde a devandita aprobación inicial e, en calquera caso, extinguirase coa aprobación definitiva do planeamento (artigo 47.2 da LSG).

Poio, 19 de xullo de 2024

Ángel Moldes Martínez
Alcalde