En cumprimento da Resolución do 6 de agosto de 2024, da Dirección Xeral de Patrimonio Natural da Consellería de Medio Ambiente e Cambio Climático, emprázanse cantos aparezan como interesados no procedemento de Resolución da Dirección Xeral de Patrimonio Natural, do 5 de marzo de 2024, polo que outorga á empresa Illa de Ons, S.L., a autorización extraordinaria de carácter provisional nominal para o desembarco de visitantes no arquipélago das Illas Cíes (Parque Nacional Marítimo-Terrestre das Illas Atlánticas de Galicia) no período de transporte regular marítimo de pasaxeiros no ano 2024, outorgada á empresa Naviera Illa de Ons, S.L., mediante a Resolución da Dirección Xeral de Patrimonio Natural, do 5 de marzo de 2024, para que poidan presentarse ante o Tribunal Superior de Xustiza de Galicia, Sección Segunda, no prazo de nove días, no procedemento ordinario 4206/2024, no cal a dita empresa recorre contra a resolución administrativa deste expediente.

O que se fai público para xeral coñecemento.

Santiago de Compostela, 6 de agosto de 2024

María Sol Díaz Mouteira
Directora xeral de Patrimonio Natural