Mediante a Resolución reitoral do 5 de decembro de 2022 (DOG do 16 de decembro de 2022 e BOE do 30 de xaneiro de 2023) convócanse probas selectivas para cubrir, polo sistema de acceso libre, as prazas de PAS funcionario e PAS laboral do marco de estabilización extraordinaria de emprego temporal. Con data do 23 de xullo de 2024, o tribunal publica a relación definitiva parcial de persoas aspirantes que superaron as probas selectivas correspondentes aos postos de PAS laboral do grupo IV.1.
Coa finalidade de dar cumprimento ao establecido no punto 9 da convocatoria, para que as persoas aspirantes que superaron o proceso selectivo soliciten destino,
RESOLVO:
Primeiro. Publicar como anexo I a relación de persoas aspirantes que superaron o proceso selectivo correspondente ás prazas da categoría de auxiliar técnico de servizos e que, segundo a base 9.1 da convocatoria, son convocadas á elección de destino, segundo a orde que, en aplicación das bases convocatoria, se deberá seguir para os efectos da adxudicación de destino.
Segundo. Os postos ofertados e os requisitos exixidos para a súa ocupación figuran como anexo II desta resolución.
Terceiro. No prazo máximo de cinco (5) días hábiles, contados a partir do día seguinte ao da publicación desta resolución no DOG, as persoas aspirantes que constan no anexo I desta resolución seleccionarán por orde de prelación os destinos ofertados, empregando o formulario dispoñible na sede electrónica da USC, https://sede.usc.es/formularios/solicitudes/RHHH_eleccionDestinos.htm, para o cal empregarán os medios de identificación que se establecen na base 3.3 da Resolución do 5 de decembro de 2022 pola que se convocaba o procedemento selectivo.
Cuarto. Para a selección de destinos, as persoas aspirantes deberán acceder ao sistema e proceder da seguinte forma:
Unha vez que acceda ao formulario electrónico, a persoa aspirante deberá, en primeiro lugar, elixir entre as opcións «Escoller posto», «Renuncia» ou «Solicitude de excedencia».
1º. Na opción «Escoller posto», a persoa aspirante seleccionará, por orde de preferencia, os destinos que se ofertan, que se relacionan no anexo II desta resolución. Deberá indicar, como mínimo, un número de prazas ordenadas segundo preferencia que sexa igual ao número de orde obtido no proceso selectivo.
2º. De elixir a opción «Renuncia», a persoa aspirante que exerza esta opción quedará excluída do proceso e decaerá no seu dereito a ser contratada como persoal laboral fixo nesta categoría.
3º. Poderá elixir a «Solicitude de excedencia» sempre que cumpra os requisitos exixidos no artigo 64.2 do Convenio colectivo para o persoal laboral da USC.
Quinto. En caso de non presentar solicitude de elección en prazo, quedar sen destino por seleccionar menos prazas das indicadas ou solicitar unha excedencia sen cumprir os requisitos, asignaráselle á persoa aspirante un posto de oficio entre os que queden sen adxudicar, para o cal se terán en conta a orde de publicación dos postos e o número obtido no proceso selectivo.
Contra esta resolución, que esgota a vía administrativa, poderase interpoñer un recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición, no prazo dun mes, perante o órgano que a ditou. Neste caso non se poderá interpoñer o recurso contencioso-administrativo mencionado mentres non se dite resolución expresa ou presunta do recurso administrativo de reposición, ao abeiro do artigo 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 13 de agosto de 2024
Antonio López Díaz
Reitor da Universidade de Santiago de Compostela
ANEXO I
Relación de persoas aspirantes que superaron o procedemento selectivo na categoría de auxiliar técnico de servizos, convocadas á elección de destino
|
Nº de orde |
DNI |
Apelidos e nome |
|
1 |
***3144** |
Blanco Leis, María |
|
2 |
***9726** |
González Cuerda, Luis Rubén |
|
3 |
***8030** |
Gómez Piñeiro, Emma de la Cruz |
|
4 |
***9954** |
Vázquez Otero, Jorge Juan |
|
5 |
***4972** |
Mosteirín Álvarez, Beatriz |
|
6 |
***3882** |
Fernández Castro, José Luis |
|
7 |
***9036** |
Castro Vilariño, María José |
|
8 |
***9878** |
García Pazos, Jesús |
|
9 |
***2467** |
De Vega y de Vega, Emiliano Héctor |
|
10 |
***1189** |
Nieves Couto, María Cristina |
|
11 |
***0537** |
Rozados Gómez, José Ángel |
ANEXO II
Relación de postos que se ofertan
|
Código |
Denominación e unidade de adscrición |
Quenda |
Campus |
Observacións |
|
PL000745 |
Auxiliar técnico de servizos. Servizos Edificios Históricos |
Mañá |
Compostela |
|
|
PL000784 |
Auxiliar técnico de servizos. PAIS. Facultade de Química |
Mañá |
Compostela |
|
|
PL000833 |
Auxiliar técnico de servizos. Servizo de Correos |
Mañá |
Compostela |
|
|
PL000896 |
Auxiliar técnico de servizos. PAIS. Escola Técnica Superior de Enxeñaría |
Mañá |
Compostela |
|
|
PL000901 |
Auxiliar técnico de servizos. PAIS. Facultade de Filoloxía |
Mañá |
Compostela |
|
|
PL000913 |
Auxiliar técnico de servizos. PAIS. CIQUS |
Mañá |
Compostela |
Comparte CITIUS |
|
PL000914 |
Auxiliar técnico de servizos. PAIS. Facultade de Medicina e Odontoloxía-Edif. Roberto Novoa Santos |
Mañá |
Compostela |
|
|
PL000936 |
Auxiliar técnico de servizos. PAIS. Facultade de Psicoloxía |
Mañá |
Compostela |
|
|
PL000982 |
Auxiliar técnico de servizos. Unidade de Xestión Académica Campus Norte |
Mañá |
Compostela |
|
|
PL000960 |
Auxiliar técnico de servizos. Área Deportiva |
Mañá |
Compostela |
Certificado negativo delitos sexuais/Curso básico de aplicador e manipulador de produtos fitosanitarios |
|
PL000975 |
Auxiliar técnico de servizos. Residencia Universitaria Bal e Gay |
Mañá |
Lugo |
Certificado negativo delitos sexuais |