De conformidade co establecido no artigo 15.1 da Lei 9/2007, do 13 de xuño, de subvencións de Galicia, procédese á publicación das subvencións concedidas.
De acordo co anterior,
RESOLVO:
Publicar no Diario Oficial de Galicia as axudas concedidas en virtude da Orde do 19 de marzo de 2024 pola que se establecen as bases reguladoras e a convocatoria, para os anos 2024 e 2025, das axudas para estudos e investimentos vinculados á conservación, recuperación e rehabilitación do patrimonio natural e cultural e á sensibilización ecolóxica na rede de reservas da biosfera de Galicia, cofinanciado co Fondo Europeo Agrícola de Desenvolvemento Rural (Feader) no marco do Plan estratéxico da PAC 2023-2027 en Galicia, en réxime de concorrencia competitiva (código de procedemento MT724A).
As subvencións destínanse a restaurar preservar e mellorar a biodiversidade nas reservas da biosfera, nos sistemas agrarios de alto valor natural, así como a mellorar o estado das paisaxes agrarias galegas. Este obxectivo levarase a cabo por medio de proxectos que contribúan á mellora da paisaxe rural tradicional e dos seus elementos representativos e para o mantemento das condicións ambientais necesarias para a conservación ou recuperación de especies relacionadas co medio agrario e os seus hábitats. Incluiranse axudas destinadas a investimentos non produtivos necesarias para conseguir obxectivos ambientais, é dicir, investimentos que non dean lugar a un aumento significativo do valor ou da rendibilidade das explotacións agrícolas e que contribúan á mellora do carácter de utilidade pública das reservas da biosfera, que responden aos criterios ou actuacións tipificadas no artigo 3 da Orde do 19 de marzo de 2024, con cargo ás aplicacións orzamentarias 36.04.541B.760.0.
As axudas a concellos foron aprobadas por Resolución da directora xeral de Patrimonio Natural do 12.8.2024.
Santiago de Compostela, 22 de agosto de 2024
A directora xeral de Patrimonio Natural
P.D. de sinatura (Resolución do 9.8.2024)
Elisa Gago Moldes
Xefa do Servizo de Conservación da Biodiversidade