No Xulgado do Contencioso-Administrativo número 1 de Ourense tramítase o recurso 146/2024 (procedemento abreviado), interposto por Yury López Abad e Andrés Ángel Vilariño Moro contra a desestimación presunta, por silencio administrativo, do recurso de alzada interposto contra a Resolución do 7 de novembro de 2023 pola que se desestima a reclamación presentada por Yury López Abad e Andrés Ángel Vilariño Moro en materia de xestión de chamamentos para vinculacións temporais no distrito sanitario do Barco de Valdeorras (categoría: pasador/a de ferro).

Os recorrentes non están de acordo con que se fagan chamamentos pola lista de celadores, en lugar da lista de pasador/a de ferro, para prestar servizos na Unidade de Lenzaría do Hospital Público do Barco de Valdeorras.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 3 de setembro de 2024

María del Mar Pousa Cobas
Directora xeral de Recursos Humanos