No Diario Oficial de Galicia núm. 139, do 18 de xullo de 2024, publícase a Orde do 8 de xullo de 2024, da Consellería de Cultura, Lingua e Xuventude, coas bases reguladoras das subvencións para entidades de acción voluntaria e entidades locais enmarcadas no programa Servizo de voluntariado xuvenil e se procede á súa convocatoria para o ano 2024 (código de procedemento BS320A).

De conformidade co artigo 14 da antedita orde, a resolución do procedemento de axudas, logo da fiscalización da proposta facendo uso das competencias conferidas no artigo 7.3 da Lei 9/2007, do 13 de xuño, de subvencións de Galicia, correspóndelle á directora xeral de Xuventude, por delegación da persoa titular da Consellería de Cultura, Lingua e Xuventude.

Así mesmo, o artigo 15 da mesma orde, establece que se publicará no Diario Oficial de Galicia de conformidade co artigo 45 da Lei 39/2015, do 1 de outubro, do procedemento administrativo común das administracións públicas, entre outras, a correspondente resolución deste procedemento. Esta publicación producirá os efectos de notificación.

Tras a instrución do procedemento, con data do 27 de setembro de 2024 o órgano competente emite a resolución que finaliza o procedemento de concesión das subvencións do programa Servizo de voluntariado xuvenil.

Por todo o exposto,

RESOLVO:

Primeiro. Ordenar a publicación no Diario Oficial de Galicia do contido íntegro da resolución de concesión do 27 de setembro de 2024, para o procedemento BS320A de concesión de axudas para entidades de acción voluntaria e entidades locais enmarcadas no programa Servizo de voluntariado xuvenil, como anexo desta resolución.

Segundo. Comunicar que a Resolución do 27 de setembro de 2024 esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación desta resolución no Diario Oficial de Galicia ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación desta resolución no Diario Oficial de Galicia.

Terceiro. Notificada a resolución polo órgano competente, as entidades beneficiarias disporán dun prazo de 10 días computado a partir do día seguinte ao da publicación no Diario Oficial de Galicia para a súa aceptación, transcorrido o cal sen que se producise manifestación expresa se entenderá tacitamente aceptada.

Santiago de Compostela, 30 de setembro de 2024

Lara del Carmen Meneses Álvarez
Directora xeral de Xuventude

ANEXO

Resolución do 27 de setembro de 2024 ditada no procedemento BS320A de concesión de axudas para entidades de acción voluntaria e entidades locais enmarcadas no programa Servizo de voluntariado xuvenil.

Con data do 18 de xullo de 2024 publicouse no Diario Oficial de Galicia núm. 139 a Orde do 8 de xullo de 2024 pola que se regulan as bases que rexerán as subvencións para entidades de acción voluntaria e entidades locais enmarcadas no programa Servizo de voluntariado xuvenil e se procede á súa convocatoria para o ano 2024 (código de procedemento BS320A).

O artigo 7 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.

Finalizado o prazo, logo de analizar a documentación, con data do 13 de setembro de 2024 e de acordo co disposto nos artigos 12, 13 e 14 da dita orde de convocatoria, reuniuse a comisión avaliadora para analizar as solicitudes de axuda e valorar os proxectos presentados polas entidades de acción voluntaria e as entidades locais, así como para proceder a elaborar o correspondente informe en que figuran as entidades con proxectos valorados.

Emitido o informe coa valoración dos proxectos presentados, o Servizo de Voluntariado e Participación, órgano instrutor do procedemento, emite de conformidade co disposto no artigo 14 da orde de convocatoria a proposta de resolución con data do 16 de setembro de 2024.

Vista a proposta de resolución e de conformidade co disposto no artigo 14 da Orde do 8 de xullo de 2024,

RESOLVO:

Primeiro. Conceder a axuda ás entidades locais propostas no anexo I, ao abeiro da Orde do 8 de xullo de 2024 pola que se regulan as bases das subvencións para entidades de acción voluntaria e entidades locais enmarcadas no programa Servizo de voluntariado xuvenil.

Esta concesión resulta de aplicación de conformidade dos criterios de valoración previstos no artigo 13 das bases reguladoras, por un importe total de 66.450,00 €, para entidades locais, con cargo á aplicación orzamentaria 43.05.312F.460.0.

Segundo. Conceder a axuda ás entidades de acción voluntaria propostas no anexo II, ao abeiro da Orde do 8 de xullo de 2024 pola que se regulan as bases das subvencións para entidades de acción voluntaria e entidades locais enmarcadas no programa Servizo de voluntariado xuvenil.

Esta concesión resulta de aplicación de conformidade cos criterios de valoración previstos no artigo 13 das bases reguladoras, por un importe total de 110.606,61 €, para entidades de acción voluntaria, con cargo á aplicación orzamentaria 43.05.312F.481.0.

Da contía prevista para entidades locais resérvase un 15 % para as solicitudes presentadas conxuntamente.

Terceiro. As axudas concedidas condicionaranse ao cumprimento de todas as obrigas establecidas na Orde do 8 de xullo de 2024 e, especialmente, as establecidas no artigo 20.

A xustificación das subvencións realizarase de acordo co establecido no artigo 17 da convocatoria.

Así mesmo, o pagamento das axudas realizarase de acordo co previsto no artigo 19 da mesma convocatoria.

Cuarto. Denegar as solicitudes que se relacionan no anexo III, con indicación da causa concreta que motivou a denegación.

Quinto. Esta resolución, que finaliza o procedemento, esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación no Diario Oficial de Galicia.

Santiago de Compostela, 27 de setembro de 2024. O conselleiro de Cultura, Lingua e Xuventude. P.D. (Artigo 14 e disposición adicional segunda da Orde do 8.7.2024). Lara del Carmen Meneses Álvarez, directora xeral de Xuventude.

ANEXO I

Axudas concedidas a entidades locais

Concesións conxuntas.

Nº	Nº exp.	Entidade	NIF	Provincia	Puntuación	Orzamento concedido
1	2024/041	Concello de Boqueixón/Voluntariado Social	P1501200H	A Coruña	61,00	12.000,00 €
Total						12.000,00 €

Concesións individuais.

Nº	Nº exp.	Entidade	NIF	Provincia	Puntuación	Orzamento concedido
1	2024/029	Concello de Padrón	P1506600D	A Coruña	62,99	2.380,00 €
2	2024/034	Concello de Lousame	P1504300C	A Coruña	57,10	4.800,00 €
3	2024/018	Concello de Mesía	P1504800B	A Coruña	52,19	2.400,00 €
4	2024/037	Concello de Xove	P2702500F	Lugo	58,70	1.200,00 €
5	2024/021	Concello de Quiroga	P2705000D	Lugo	52,00	4.800,00 €
6	2024/050	Concello de Cervo	P2701300B	Lugo	51,36	4.800,00 €
7	2024/004	Concello de Ribas de Sil	P2705200J	Lugo	50,00	4.800,00 €
8	2024/039	Concello da Veiga	P3208400F	Ourense	59,25	2.400,00 €
9	2024/015	Concello de Muíños	P3205200C	Ourense	57,00	4.800,00 €
10	2024/020	Concello de Verín	P3208600A	Ourense	51,50	4.800,00 €
11	2024/007	Concello de Ribadavia	P3207000E	Ourense	50,00	4.800,00 €
12	2024/053	Concello de Ponteareas/Oficina Municipal de Voluntariado	P3604200J	Pontevedra	60,35	4.800,00 €
13	2024/019	Concello de Vila de Cruces	P3605900D	Pontevedra	52,00	2.870,00 €
14	2024/051	Concello de Mos	P3603300I	Pontevedra	50,25	4.800,00 €
Total						54.450,00 €

ANEXO II

Axudas concedidas a entidades de acción voluntaria

Nº	Nº exp.	Entidade	NIF	Provincia	Puntuación	Orzamento concedido
1	2024/023	Club Deportivo Inclusivo Enki	G70505276	A Coruña	74,34	3.800,00 €
2	2024/026	Fundación Abrente	G70397849	A Coruña	71,04	4.800,00 €
3	2024/040	Asociación Itínera de Voluntarios en Saúde Mental	G15983570	A Coruña	68,65	4.800,00 €
4	2024/056	Asociación Ecos do Sur	G15354483	A Coruña	65,43	2.383,72 €
5	2024/001	Asociación de Padres de Personas con Discapacidad Intelectual, ASPAS	G15031537	A Coruña	63,59	4.800,00 €
6	2024/046	Asociación Centinelas	G70390745	A Coruña	61,95	4.800,00 €
7	2024/011	Acción Familiar Ferrol	G15745466	A Coruña	58,49	4.276,18 €
8	2024/052	Asociación Centro Xuvenil Don Bosco	G15071566	A Coruña	58,34	2.400,00 €
9	2024/005	Asociación de Familias de Persoas con Discapacidade Psíquica das Comarcas do Barbanza e Noia, Amicos	G15747678	A Coruña	56,99	4.800,00 €
10	2024/058	Asociación Antonio Noche	G15210388	A Coruña	56,17	1.800,00 €
11	2024/038	Asociación Dignidad Galicia	G15500853	A Coruña	56,00	4.799,95 €
12	2024/014	Feafes Galicia, Federación de Asociacións de Familiares e Persoas con Enfermidade Mental de Galicia	G15545353	A Coruña	55,00	1.200,00 €
13	2024/012	Asociación Medioambiental Amabul	G15925209	A Coruña	53,82	4.800,00 €
14	2024/043	Federación de Centros Xuvenís Don Bosco de Galicia	G15450828	A Coruña	52,31	4.640,00 €
15	2024/010	Asociación Integro para a Diversidade Funcional das Comarcas de Bergantiños, Terra de Soneira e Fisterra	G15173263	A Coruña	52,12	4.800,00 €
16	2024/017	ONG Mestura, para la Integración Social de las Personas Inmigrantes y Emigrantes	G15940414	A Coruña	52,00	4.200,00 €
17	2024/045	Asociación Centro Xuvenil Abeiro	G15456700	A Coruña	50,75	2.400,00 €
18	2024/032	Asociación Aliad-Ultreia	G27021120	Lugo	69,61	3.100,00 €
19	2024/057	Asociación Juvenil y Cultural Ateibo	G27013309	Lugo	54,28	960,00 €
20	2024/006	Asociación Limisi, para a Promoción das Persoas con Diversidade Funcional da Comarca da Limia	G32302671	Ourense	63,50	4.800,00 €
21	2024/025	Asociación Cultural, Social, Ecolóxica e Económica Os Tres Reinos	G32345274	Ourense	62,00	4.800,00 €
22	2024/033	Asociación para a Prevención e a Educación Social, APES	G32383549	Ourense	59,75	560,00 €
23	2024/044	Asociación Cultural A Bela Auria	G32402737	Ourense	59,25	750,00 €
24	2024/047	Valoresc Innovation	G70377585	Ourense	56,25	4.800,00 €
25	2024/008	Asociación Xuvenil Amencer	G32025405	Ourense	55,00	4.336,76 €
26	2024/048	Asociación Sustinea	G32422834	Ourense	52,00	2.400,00 €
27	2024/003	Asociación Cultural, Social, Deportiva, Lúdica, Ecolóxica, da Muller, de Inclusión, do Rural, Vive Vilariño	G32504508	Ourense	50,75	4.800,00 €
28	2024/031	Asociación pola Igualdade e a Coeducación, Apico	G94088549	Pontevedra	71,04	4.800,00 €
29	2024/030	APAMP, Asociación de Familias de Persoas con Parálise Cerebral	G36624120	Pontevedra	61,92	3.600,00 €
30	2024/036	Asociación Acción Solidaria de Galicia, Asdegal	G27727593	Pontevedra	61,30	4.800,00 €
31	2024/024	Federación Provincial de Asociacións de Persoas con Discapacidade de Pontevedra. Cogami-Pontevedra	G36704195	Pontevedra	59,50	600,00 €
Total						110.606,61 €

ANEXO III

Solicitudes denegadas

Denegadas entidades de acción voluntaria.

Nº	Nº exp.	Entidade	NIF	Provincia	Motivo da denegación
1	2024/054	Sociedade Deportiva Compostela	G70000385	A Coruña	Non alcanzar a puntuación requirida
2	2024/016	Fundación Ingada	G70394374	A Coruña	Non alcanzar a puntuación requirida
3	2024/042	Asociación de Axuda a Estudantes Estranxeiros	G70406038	A Coruña	Non alcanzar a puntuación requirida
4	2024/009	Federación ASDE-SCOUTS de Galicia	G70305008	A Coruña	Non alcanzar a puntuación requirida
5	2024/002	Club ITF Coirós	G70594684	A Coruña	Non alcanzar a puntuación requirida
6	2024/049	Asociación Esgaia Inserta	G16918641	Ourense	Non alcanzar a puntuación requirida
7	2024/013	Asociación de Persoas con Discapacidade de Ourense, ADO	G32410797	Ourense	Desistencia
8	2024/035	Centro Cultural, Artístico e Recreativo de Valadares	G36617082	Pontevedra	Non alcanzar a puntuación requirida
9	2024/055	Asociación Protectora de Animais Os Biosbardos	G27753268	Pontevedra	Non alcanzar a puntuación requirida
10	2024/022	Asociación Asistencial TDAH Salnés	G94125648	Pontevedra	Non alcanzar a puntuación requirida
11	2024/028	AIDA. Ayuda, Intercambio y Desarrollo	G82484882	Pontevedra	Desistencia