Para os efectos previstos no artigo 54 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, en sesión que tivo lugar o 26 de xuño de 2024, en relación ao deslindamento parcial entre a Comunidade de Montes Veciñais en Man Común de Meira (Moaña) con propietarios particulares respecto do lindeiro común dos seus montes (expediente DP22003).

Feitos:

Primeiro. Con data do 1 de agosto de 2022 e número 2022/1981273 de entrada no rexistro electrónico da Xunta de Galicia, a Comunidade de Montes Veciñais en Man Común (en diante, CMVMC) de Meira, no concello de Moaña, solicita o deslindamento con particulares da parcela 5.2, que forma parte do monte con Id 4298, chamado Varias Parcelas (5.1, 5.2, 5.3, 6, 7 e 9) e clasificado con data do 28 de abril de 2004. A dita solicitude deu lugar á apertura do expediente DP22003.

O deslindamento da parcela 5.2 realízase cos seguintes lindeiros: Enrique Piñeiro Martínez (vento norte) e Cristina Sánchez Martínez (vento sur).

Segundo. O 20 de novembro de 2023 o Servizo de Montes emiten un informe favorable ao deslindamento provisional.

Terceiro. O 20 de decembro de 2023 publícase no DOG número 240, o anuncio do 5 de decembro de 2023, sobre o inicio do procedemento de deslindamento con particulares da CMVMC de Meira.

Nesa mesma data enviouse para a súa publicación na web da Consellería do Medio Rural e no taboleiro do Concello de Moaña.

Cuarto. O 7 de febreiro de 2024 recíbese un certificado do Concello de Moaña, sobre a exposición do anuncio deste deslindamento desde o 21 de decembro de 2023 ao 22 de xaneiro de 2024, no taboleiro da sede electrónica do concello.

Quinto. O 1 de xuño de 2024 recíbese un certificado da comunidade da non existencia de alegacións transcorrido o mes de publicación e un certificado de ratificación da liña de deslindamento.

Sexto. O procedemento de deslindamento entre particulares está recollido no artigo 54 da Lei 7/2012, do 28 de xuño, de montes de Galicia.

No expediente consta a seguinte documentación:

– O informe técnico de agosto de 2022, asinado pola colexiada número 965 e un informe aclaración de xuño de 2024, asinado polo colexiado 712 do Colexio Oficial da Enxeñaría Técnica Forestar de Galicia (COETFOG) do total da parcela 5.2.

– A planimetría en formato pdf e dixital (shape) da liña e dos puntos levantados en coordenadas UTM (ETRS89).

– O certificado do secretario, do 30 de maio de 2024, de aprobación do deslindamento na asemblea do 23 de marzo de 2024.

– A acta de apeo coas coordenadas dos puntos levantados e as fotografías.

– A acta de conciliación no Xulgado de Primeira Instancia e Instrución número 2 de Cangas.

– A planimetría da parcela 5.2, que recolle este deslindamento, que, despois da alteración catastral realizada, coincide integramente coas parcelas.

Sétimo. A liña de deslindamento parcial da parcela 5.2, que forma parte do monte con Id 4298, chamado Varias Parcelas (5.1, 5.2, 5.3, 6, 7 e 9), no seu lindeiro coas propiedades de Enrique Piñeiro Martínez (vento norte) e de Cristina Sánchez Martínez (vento sur) vén dada polas seguintes coordenadas en UTM (ETRS89):

Enrique Piñeiro Martínez
ID	X	Y	Obsv.
6	523.630,49	4.681.268,08	Muro
7	523.628,15	4.681.257,29	Muro
8	523.641,38	4.681.247,49	Muro
ID	X	Y	Obsv.
9	523.649,58	4.681.243,95	Muro
10	523.667,46	4.681.234,55	Muro
11	523.672,79	4.681.232,01	Muro
12	523.690,66	4.681.233,67	Muro

Cristina Sánchez Martínez
ID	X	Y	Obsv.
23	523.703,74	4.681.181,26	Cultivo
24	523.702,56	4.681.182,24	Muro
25	523.702,17	4.681.181,85	Muro
26	523.698,53	4.681.185,59	Muro e peche
27	523.685,80	4.681.196,86	Muro e peche
28	523.691,53	4.681.192,31	Muro e peche
29	523.683,68	4.681.198,43	Muro e peche
30	523.681,42	4.681.200,40	Muro e peche
31	523.679,75	4.681.201,85	Muro e peche
32	523.678,10	4.681.203,56	Muro e peche
33	523.676,47	4.681.205,08	Muro e peche
34	523.673,60	4.681.208,51	Muro e peche
35	523.662,51	4.681.220,86	Muro e peche
36	523.656,44	4.681.219,17	Muro e peche
37	523.646,05	4.681.215,74	Muro e peche
38	523.642,19	4.681.214,58	Peche
39	523.635,28	4.681.212,35	Peche
40	523.630,95	4.681.210,80	Beirarrúa

Oitavo. A parcela 5.2, con este deslindamento e a alteración catastral realizada pasa a ter unha superficie de 2.654 m2, fronte ás 2.850 m2 clasificadas. E segundo o indicado na memoria técnica queda dividida en dúas porcións, leste e oeste, polo paso de vía pública, coincidentes coa cartografía catastral, e queda definida do seguinte xeito:

Parcela 5.2 (porción leste): 36029A04206018.

Superficie: 2.378 m2.

Lindeiro norte: 36029A04200140 a nome de Enrique Piñeiro Martínez.

Lindeiro sur: 36029A04200138 a nome de Cristina Sánchez Martínez.

Lindeiro leste e oeste: vía pública.

Parcela 5.2 (porción oeste): 36029A04200120.

Superficie: 276 m2.

Lindeiro norte: particular.

Lindeiro sur: estrada PO-551 e vía pública.

Lindeiro leste: vía pública.

Lindeiro oeste: estrada PO-551.

Consideracións legais e técnicas:

Primeira. A Lei 7/2012, do 28 de xuño, de montes de Galicia (DOG número 140, do 23 de xullo), na súa disposición derradeira segunda, modifica o artigo 25 da Lei 13/1989, do 10 de outubro, de montes veciñais en man común, e elimina a obriga da Administración forestal de proceder ao deslindamento e á sinalización dos montes veciñais. Polo tanto, esta competencia corresponde ás comunidades propietarias consonte os artigos 53 e 54 da Lei de montes de Galicia.

A Lei de montes de Galicia regula nos artigos 52 e 54 o procedemento de deslindamento de montes veciñais en man común con propiedades particulares e establece, entre outras, a obriga de publicar a resolución do xurado no Diario Oficial de Galicia.

Artigo 54.3. No caso dun informe favorable, unha vez ratificado o deslindamento provisional pola asemblea xeral, darase traslado ao xurado provincial dos acordos alcanzados e, cando menos, da seguinte documentación: a acta do deslindamento, a memoria descritiva con planos topográficos, a acta de conciliación levantada no xulgado de paz ou de primeira instancia correspondente e os certificacións de aprobación por parte da comunidade. O Xurado Provincial de Clasificaición de Montes Veciñais en Man Común ditará unha resolución aprobatoria do deslindamento e notificarállela ás persoas interesadas. A dita resolución será publicada no Diario Oficial de Galicia.

Segunda. O 18 de xuño de 2024 o Servizo de Montes, a vista da información antes relacionada e a memoria presentada, informa favorablemente o deslindamento parcial entre a CMVMC de Meira e Enrique Piñeiro Martínez, lindeiro polo vento norte e Cristina Sánchez Martínez, lindeiro polo vento sur, xa que se comproba que a liña está apoiada nos muros que os separan e que coincide coa cartografía catastral.

A liña de deslindamento vén dada polas coordenadas X e Y (ETRS89 UTM zona 29N), reflectidas na memoria topográfica e no punto sétimo dos feitos.

Por todo iso, revisada a avinza presentada, a documentación achegada e o informe técnico do Servizo de Montes, en atención ao disposto no artigo 54 da Lei 7/2012, de montes de Galicia, este xurado provincial, por unanimidade dos seus membros,

ACORDA:

Primeiro. Aprobar o deslindamento realizado entre a CMVMC de Meira e Enrique Piñeiro Martínez, lindeiro polo vento norte e Cristina Sánchez Martínez, lindeiro polo vento sur, tendo en conta os puntos e as coordenadas referidas no punto sétimo dos feitos e o plano topográfico achegado e validado mediante o informe técnico do Servizo de Montes.

Segundo. Notificar este acordo á comunidade de CMVMC de Meira e publicalo no Diario Oficial de Galicia para dar cumprimento ao disposto na Lei 7/2012, do 28 de xuño, de montes de Galicia.

Contra esta resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Pontevedra, 2 de outubro de 2024

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra