Expediente: IN407A 2024/44-1.

Promotora: UFD Distribución Electricidad, S.A.

Instalación: instalación de novo CT, novo treito de LSMT e reordenación da LBT procedente do CT 15CPW6.

Concello: Valdoviño.

Feitos:

1. O día 5 de febreiro de 2024, a empresa promotora solicitou a autorización administrativa previa, a autorización administrativa de construción e a declaración de utilidade pública do proxecto de execución da dita instalación de distribución eléctrica. O proxecto ten a finalidade de mellorar a calidade da subministración na zona.

Achegan o proxecto, que inclúe memoria, planos e orzamento, xunto coa relación de bens e dereitos afectados de necesaria ocupación para a construción da liña, ao abeiro dos artigos 123 e 143 do Real decreto 1955/2000, e que abrangue os seguintes documentos:

• Proxecto de execución nomeado: instalación de novo CT, novo treito de LSMT e reordenación da LBT procedente do CT 15CPW6, asinado con data do 23 de novembro de 2023 por Tito Arias Santos, enxeñeiro técnico industrial eléctrico e nº colexiado LE-1010.

• Anexo 1, asinado por Javier Fernández Pazos, enxeñeiro técnico industrial eléctrico e nº colexiado 502 de Ourense.

2. O proxecto someteuse ao trámite de información pública mediante un acordo de data do 13 de xuño de 2024, publicado nos seguintes medios:

• Portal de transparencia e Goberno aberto da Consellería de Economía e Industria.

• Diario Oficial de Galicia: 16 de xullo de 2024, co número 137.

• Boletín Oficial da provincia: 19 de xuño de 2024, co número 118.

• Xornal La Voz de Galicia: 19 de xullo de 2024.

• Taboleiro de anuncios do Concello: segundo o certificado municipal do alcalde do Concello de Valdoviño con data do 26 de xullo de 2024.

3. Durante o período no que se someteu o proxecto ao trámite de información pública non se presentou ningunha alegación, reclamación ou suxestión relacionada coa documentación obxecto de publicación.

4. Consonte o artigo 127 do Real decreto 1955/2000, do 1 de decembro, déuselles traslado ás distintas administracións, organismos ou, de ser o caso, empresas de servizo público ou de servizos de interese xeral afectadas dunha separata do proxecto, na parte na que a instalación puidese prexudicar bens e dereitos ao seu cargo, que contén as características da instalación e a documentación cartográfica corrrespondente. Solicitóuselles o preceptivo informe ao Servizo Provincial da Axencia Galega de Infraestruturas (AXI)-Dirección Territorial da Consellería de Vivenda e Planificación de Infraestruturas da Coruña e ao Concello de Valdoviño. A empresa promotora manifestou a súa conformidade co condicionado establecido polo organismo afectado, a saber, AXI. No día desta resolución, non consta no expediente resposta do organismo afectado, é dicir, o Concello, á emisión do informe e ao condicionado solicitado.

5. O día 11 de setembro de 2024 emitiuse o informe técnico.

Consideracións legais e técnicas:

1. O director territorial é competente para resolver este expediente segundo o Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG número 22, do 1 de febreiro) e no Decreto 140/2024, do 20 de maio, polo que se establece a estrutura orgánica da Consellería de Economía e Industria (DOG número 101, do 27 de maio).

2. Lexislación de aplicación:

• Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

• Lei 40/2015, do 1 de outubro, de réxime xurídico do sector público (BOE número 236, do 2 de outubro).

• Lei 24/2013, do 26 de decembro, do sector eléctrico (BOE número 310, do 27 de decembro).

• Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE número 310, do 27 de decembro).

• Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalación eléctricas de alta tensión e as súas instrucións técnicas complementarias ITC-LAT 01 a 09 (BOE número 68, do 19 de marzo).

• Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE número 139, do 9 de xuño).

• Real decreto 842/2002, do 2 de agosto, polo que se aproba o Regulamento electrotécnico para baixa tensión (BOE número 224, do 18 de setembro).

• Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE número 246, do 14 de outubro).

• Lei do 16 de decembro de 1954, sobre expropiación forzosa (BOE número 351, do 17 de decembro).

• Decreto do 26 de abril de 1957, polo que se aproba o Regulamento da Lei de expropiación forzosa (BOE número 160, do 20 de xuño).

3. Características técnicas:

As instalacións de alta tensión obxecto deste expediente atópanse na parroquia de Pantín, no concello de Valdoviño.

• Liña eléctrica de media tensión subterránea, alimentada pola CDR-803 a 20 kV, cunha lonxitude de 194 m, coa orixe e final en empalmes proxectados que se van realizar na CDR-803, condutor tipo RHZ1-2OL-12/20 kV 1x240 mm2 Al, despois de facer entrada e saída no centro de transformación proxectado.

• Novo centro de transformación prefabricado, telecontrolado, compacto manobra exterior, alimentado pola CDR-803, celas tipo compactas configuración 2L+1 con corte SF6, transformador cunha potencia de 250 kVA e unha relación de transformación de 20.000/400 V.

4. No expediente consta un informe favorable dos servizos técnicos deste departamento territorial.

Consonte con todo o sinalado,

RESOLVO:

1. Conceder a autorización administrativa previa, a autorización administrativa de construción e a declaración de utilidade pública da dita instalación de distribución eléctrica.

2. A instalación executarase no prazo dun ano, contado a partir do día seguinte ao da publicación desta resolución no Diario Oficial de Galicia.

A declaración de utilidade pública leva implícita a necesidade de ocupación dos bens e de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.

3. Para a posta en funcionamento da instalación autorizada, deberá achegar ante este departamento territorial unha solicitude á cal xuntará a seguinte documentación:

• As declaracións de conformidade relativas ao material ou equipamento e ás certificacións ou homologacións, se procede.

• Un certificado do/da director/a da montaxe no que se garantirá o cumprimento das especificacións do proxecto e das prescricións complementarias, se as houber, así como das regulamentacións e normas axeitadas para a montaxe da instalación e da posta a punto.

Planimetría as built da instalación eléctrica en formato shape.

4. Esta autorización outórgase sen prexuízo doutras que sexan de aplicación segundo a lexislación vixente, en especial, no relativo á ordenación do territorio e ao ambiente.

Contra esta resolución, que non é definitiva en vía administrativa, poderá interporse un recurso de alzada perante a conselleira de Economía e Industria, no prazo dun mes contado a partir do día seguinte ao da notificación ou publicación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), sen prexuízo de que as persoas interesadas poidan interpor calquera outro recurso que consideren axeitado.

Mediante este documento notifícaselles aos interesados esta resolución, segundo o exixido no artigo 40.1 da Lei 39/2015.

A Coruña, 14 de outubro de 2024

O director territorial da Coruña
P.A. (Artigo 40 do Decreto 140/2024, do 20 de maio; DOG núm. 101, do 27 de maio)
Lourdes Fernández Parajes
Xefa do Servizo de Industria da Coruña

ANEXO

Expediente: IN407A 2024/44-1

Instalación de novo CT, novo treito de LSMT e reordenación da LBT procedente do CT 15CPW6

Relación de bens e dereitos afectados-Concello de Valdoviño

Predio do proxecto	Persoa propietaria/titular	Referencia catastral	Lugar	Afección de solo pleno dominio		Afección de solo por servidume de paso de enerxía eléctrica				Natureza do terreo
Apoio núm.	Superficie (m2)	ml. aér.	ml. sot.	m2 aér.	m2 sot.
1	Descoñecida/o	15088A046013380000HY	Redondo	Centro de transformación e acceso	31,9					Rústico. Agrario. Labradío.

Abreviacións:

ml aér.: lonxitude da servidume aérea en metros lineais.

ml sot.: lonxitude da servidume soterrada en metros lineais.

m2 aér.: superficie de servidume aérea en m2.

m2 sot.: superficie de servidume soterrada en m2.