Mediante Orde do 22 de xullo de 2024 (DOG número 149, do 2 de agosto), a Consellería de Presidencia, Xustiza e Deportes convocou unha liña de subvencións para o ano 2024, que establecía as bases reguladoras para a adxudicación de equipamento de emerxencia, en réxime de concorrencia competitiva, aos concellos de menos de 50.000 habitantes, mancomunidades ou agrupación de concellos galegos, cofinanciado polo Fondo Europeo de Desenvolvemento Rexional.

Vista a proposta da comisión avaliadora, de data do 25 de outubro de 2024, por proposta de resolución do director xeral de Emerxencias e Interior do 28 de outubro de 2024, e en aplicación dos artigos 9, 10 e 11 da referida orde,

RESOLVO:

Primeiro. Adxudicar aos concellos, mancomunidades ou agrupación de concellos galegos que se relacionan no anexo I o equipamento de emerxencia que se indica no dito anexo I, de acordo coa puntuación total obtida polos solicitantes.

Este equipamento está sendo adquirido co programa operativo Feder-Galicia 2021-2027, obxectivo político 2, prioridade P2A. Transición Verde, obxectivo específico RSO2.4: «favorecer a adaptación ao cambio climático e a prevención do risco de catástrofes, así como a resiliencia, tendo en conta os enfoques baseados nos ecosistemas».

Segundo. Establecer unha lista de reserva conformada por todos os solicitantes admitidos co fin de redistribuír o equipamento non adxudicado por renuncia dalgún beneficiario ou pola posible nova adquisición de máis equipamento. Esta redistribución será, se é o caso, elevada posteriormente ao órgano competente para resolver.

Na repartición deste material terase en conta a puntuación total acadada por cada entidade e a non obtención de equipamento da mesma especie na primeira adxudicación, en todo caso, esta segunda asignación non afectará a distribución inicial do equipamento entre as entidades solicitantes.

Terceiro. De conformidade co disposto no artigo 12.e) da Orde do 22 de xullo de 2024 pola que se establecen as bases reguladoras e a convocatoria de subvencións para o ano 2024 para a adxudicación de equipamentos de emerxencias, en réxime de concorrencia competitiva, a concellos de menos de 50.000 habitantes, mancomunidades ou agrupacións de concellos galegos, cofinanciado polo Fondo Europeo de Desenvolvemento Rexional, no marco do programa operativo Feder-Galicia 2021-2027, o/a alcalde/sa do concello, presidente/a da mancomunidade ou representante da agrupación de concellos, ao cal se lle conceda o equipamento solicitado, disporá dun prazo de dez días hábiles, contados a partir da recepción da comunicación individual da resolución favorable, para a súa aceptación ou renuncia.

Transcorrido este prazo sen que se producise manifestación expresa, entenderase tacitamente aceptada.

Unha vez manifestada por parte da entidade beneficiaria a aceptación da subvención en especie concedida nesta resolución, asinarase a acta de cesión do equipamento concedido.

O prazo estimado para a sinatura da acta de cesión do equipamento, será de tres meses contados desde a data de recepción daquel.

Non obstante, este prazo podería verse incrementado en función dos prazos de entrega do equipamento previstos nos correspondentes contratos, derivados do procedemento para a contratación da subministración de equipamento para as emerxencias destinado aos concellos de menos de 50.000 habitantes que teñan agrupación de voluntarios de protección civil, expediente de contratación número AXGE.24.SU.02 (número de referencia contable 2023 00001) procedemento ordinario, por importe de 454.480,00 euros (IVE incluído).

No caso de que a subministración do expediente de contratación AXGE.24.SU.02 (número de referencia contable 2023 00001) non chegase a ser entregada total ou parcialmente, o órgano adxudicante poderá ditar unha nova resolución, na que indique o equipamento que non sería adxudicado. Neste caso as entidades locais afectadas perderán o dereito recoñecido nesta resolución.

Cuarto. Contra esta resolución, que esgota a vía administrativa, poderase interpoñer recurso de reposición perante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución.

Santiago de Compostela, 28 de outubro de 2024

O conselleiro de Presidencia, Xustiza e Deportes
P.D. (Disposición derradeira cuarta da Orde do 22 de xullo de 2024;
DOG número 149, do 2 de agosto)
Santiago Villanueva Álvarez
Director xeral de Emerxencias e Interior

ANEXO I

Liña 1. Kits de material loxístico de seguridade viaria.

Entidade local
Ames
Bergondo
Betanzos
Carballo
Malpica de Bergantiños
Muxía
Narón
Pobra do Caramiñal (A)
Ribeira
Chantada
Monforte de Lemos
Vicedo (O)
Vilalba
Allariz
Barbadás
Carballiño (O)
Cortegada/Padrenda
Maceda
Mancomunidade de Terras de Celanova
Pobra de Trives (A)
Ribadavia
Lalín
Mancomunidade de Val Miñor
Mos
Poio
Porriño (O)
Redondela
Vilagarcía de Arousa

Liña 2. Kits de ferramentas eléctricas para a atención ás emerxencias.

Entidade local
Arteixo
Boiro
Cambre
Miño
Oleiros
Padrón
Pontes de García Rodríguez (As)
Rianxo
Santa Comba
Cervantes
Meira
Baños de Molgas
Cualedro/Monterrei
Manzaneda
Petín
Sarreaus
Verín
Vilar de Barrio
Xinzo de Limia
Cangas
Mondariz (Oitavén Tea)
Moraña
Ponteareas
Rosal (O)
Salceda de Caselas
Tomiño
Tui
Valga

Liña 3. Remolques para a atención ás emerxencias.

Entidade local
Barreiros
Ribeira de Piquín
Trabada
Valadouro (O)
Baltar
Bola (A)
Calvos de Randín
Entrimo
Mancomunidade do Ribeiro
Barro

Liña 4. Tendas de campaña para emerxencias.

Entidade local
Laxe
Ponteceso
Teo
Trazo
Vilasantar
Zas
Negueira de Muñiz
Xermade
Bolo (O)
Larouco
Laza
Maside
Mezquita (A)
Muíños
Porqueira
Sandiás
Dozón
Cuntis
Meis
Moaña
Ribadumia