Por medio deste anuncio sométese a información pública, en virtude do establecido no artigo 163.3 do Regulamento do dominio público hidráulico, a extinción do expediente da concesión de augas, inscrita o 6.3.1965, do río Belelle para accionamento dun muíño fariñeiro (Muíño do Tinglado) e rega, no concello de Neda.

As características da concesión son as seguintes:

Titular: Gumersindo Primoy Fernández.

Captación:

– Nome da corrente: río Belelle.

– Punto de toma: X:568922 e Y:4817245 (ERTS-89 fuso 29).

(Represa e inicio da canle de derivación na marxe dereita).

Réxime do aproveitamento:

– Caudal: 830,35 l/s (800 l/sg para forza motriz e 0,35 l/sg para rega).

Destino das augas: forza motriz para accionamento de muíño fariñeiro (Tinglado 000400900NJ61F) e rega das parcelas denominadas Moas Grande e Pequena.

Lugar: Santa María de Neda.

Concello e provincia da toma: Neda (A Coruña).

Augas de Galicia iniciou este expediente por solicitude do actual propietario do muíño, Pablo Carreiras Otero.

A resolución do título concesional e o plano indicativo poden consultarse na sección de participación pública do portal da internet de Augas de Galicia (https://augasdegalicia.xunta.gal), e o expediente obxecto de extinción pode consultarse nas oficinas deste servizo territorial, situadas na rúa Vicente Ferrer, nº 2, 9º andar, 15008 A Coruña; para facilitar esta consulta poderá solicitar cita previa no teléfono 981 18 25 30.

O que se fai público para xeral coñecemento por un prazo de dez (10) días hábiles, por tratarse dun procedemento ao que se lle aplica a tramitación de urxencia, a partir do seguinte á data de publicación no Diario Oficial de Galicia, durante o que poderá comparecer por escrito ante o organismo de bacía calquera persoa que poida resultar afectada pola extinción do dereito e manifestar neste escrito canto considere conveniente.

A Coruña, 25 de outubro de 2024

Néstor Rodríguez Arias
Xefe do Servizo Territorial da Zona Hidrográfica de Galicia Norte