Na sesión que tivo lugar o 6 de novembro de 2024, o tribunal nomeado pola Resolución do 29 de maio de 2024 (DOG núm. 108, do 5 de xuño), modificada por Resolución do 7 de xuño de 2024 (DOG núm. 114, do 13 de xuño), para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso, pola quenda de acceso libre e mediante o sistema de concurso, no corpo auxiliar da Administración xeral da Comunidade Autónoma de Galicia e no corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, convocado pola Resolución do 22 de decembro de 2022 (DOG núm. 244, do 26 de decembro), modificada pola Resolución do 20 de xaneiro de 2023 (DOG núm. 15, do 23 de xaneiro) e pola Resolución do 6 de febreiro de 2023 (DOG núm. 26, do 7 de febreiro) (corrección de erros no DOG núm. 64, do 31 de marzo e no DOG núm. 87, do 8 de maio),

RESOLVE:

Primeiro. Modificar a relación de aspirantes que superaron o proceso selectivo para o ingreso, pola quenda de acceso libre e mediante o sistema de concurso, no corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, escala auxiliar de mantemento, incluíndo a Víctor Manuel Ojea Fontán (57,600 puntos) e excluíndo a Marcos Espiña Campo (42,300 puntos), segundo se desprende do baremo definitivo do proceso selectivo publicado pola Resolución do 10 de outubro de 2024 (DOG núm. 197, do 11 de outubro), ao abeiro do que establece a base I.1.1 da convocatoria do proceso selectivo, pola que, se algunha persoa que se presenta pola cota de discapacidade non obtén praza, pero a súa puntuación é superior a obtida por outras persoas aspirantes do sistema de acceso xeral, será incluída pola súa orde de puntuación neste sistema.

Segundo. Modificar, de conformidade co artigo 109.2 da Lei 39/2015, do 1 de outubro, do procedemento administrativo común das administracións públicas, a relación de aspirantes que superaron o proceso selectivo para o ingreso, pola quenda de acceso libre e mediante o sistema de concurso, no corpo de auxiliares de carácter técnico de Administración especial da Administración xeral da Comunidade Autónoma de Galicia, subgrupo C2, escala auxiliar de laboratorio, xa que se produciu un erro de carácter técnico na orde de prelación das persoas aspirantes nos seguintes casos:

1º. María Mercedes Martínez García figura fóra da súa posición natural segundo a puntuación acadada, correspondéndolle situarse no posto 35 (73,620 puntos).

2º. As persoas aspirantes Nuria de la Torre González (posto 7) e María José Neira Rubinos (posto 8) empatan con 92,500 puntos, correspondéndolles situarse nos postos indicados unha vez aplicado o criterio de desempate segundo a idade, de acordo co establecido na base V.1.4º da convocatoria.

A relación modificada de aspirantes que superaron o proceso selectivo publícase no portal web corporativo da Dirección Xeral de Emprego Público e Administración de Persoal: https://www.xunta.gal/funcion-publica/procesos-selectivos/consulta

De conformidade co disposto na base V.2 da convocatoria e de acordo co Informe do 9 de outubro de 2024, da Dirección Xeral de Emprego Público e Administración de Persoal, sobre a aplicación aos procesos selectivos de estabilización da Lei 20/2021, da tramitación de urxencia, conforme o artigo 33.1 da Lei 39/2015, do 1 de outubro, do procedemento administrativo común das administracións públicas, as persoas aspirantes que superaron os procesos selectivos disporán dun prazo de dez (10) días hábiles, contados a partir do día seguinte ao da publicación desta resolución no DOG, para presentaren os documentos previstos na devandita base, no caso de que non fosen presentados ou validados previamente. O devandito prazo finalizará o 21 de novembro de 2024.

Terceiro. Elevar a devandita relación modificada de aspirantes á titular da Dirección Xeral de Emprego Público e Administración de Persoal, para os efectos de que as persoas que figuran nela sexan propostas para o seu nomeamento como funcionarios/as de carreira.

De acordo co disposto na base IV.13 da convocatoria, contra esta resolución poderase interpoñer recurso de alzada ante o conselleiro de Facenda e Administración Pública nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 6 de novembro de 2024

Javier Fraga Vázquez
Presidente do tribunal