Mediante o Decreto da Alcaldía número 66, do 18 de maio de 2022, aprobouse a oferta extraordinaria para un proceso de estabilización de emprego público deste concello de Baralla.

O día 16 de decembro de 2022 aprobáronse as bases reguladoras das probas selectivas para a provisión, como persoal funcionario de carreira no Concello de Baralla, dunha praza de auxiliar administrativo (programa axuda a domicilio), polo sistema de concurso, e dunha praza de auxiliar administrativo (Oficina de Información Xuvenil e Biblioteca), polo sistema de concurso.

As ditas bases foron publicadas no BOP de Lugo número 293, do 24 de decembro de 2022.

As convocatorias realizáronse de conformidade co artigo segundo do Real decreto lei 14/2021, do 6 de xullo, de medidas urxentes para a redución da temporalidade no emprego público, e a súa posterior conversión na Lei 20/2021, do 28 de decembro, de medidas urxentes para a redución da temporalidade no emprego público, publicada no Boletín Oficial del Estado número 312, do 29 de decembro.

Como consecuencia da tramitación do correspondente proceso selectivo, mediante os decretos da Alcaldía do 29 de outubro de 2024, efectuáronse os seguintes nomeamentos como persoal funcionario correspondente ao corpo da Administración xeral, grupo C2, auxiliar administrativo:

Nome	Apelidos	DNI	Xornada
María Isabel	Fernández Blanco	**5361***	Completa
Rocío	Pardo Vilela	**5465***	75 % da xornada

Contra as resolucións de nomeamento os interesados poderán interpoñer recurso potestativo de reposición perante o alcalde do Concello, no prazo dun mes contado desde esta publicación, ou ben recurso contencioso-administrativo perante o Xulgado do Contencioso-Administrativo de Lugo, no prazo de dous meses.

Baralla, 29 de outubro de 2024

Miguel González Piñeiro
Alcalde