De conformidade coa proposta elevada pola comisión nomeada para xulgar o concurso para a provisión de prazas dos corpos docentes universitarios, convocados mediante a Resolución desta universidade do 26 de xuño de 2024 (BOE do 2 de xullo), e presentada polas persoas interesadas a documentación a que fai referencia a base novena da convocatoria,

Esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

No caso de que a persoa aspirante se encontre en situación de incapacidade temporal, o prazo para a toma de posesión comezará a partir do día seguinte hábil ao da data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 18 de novembro de 2024

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo docente	Área de coñecemento	Departamento	Localidade	Código praza
5T/24	Rita	Valenzuela Limiñana	***8830**	Profesoras e profesores titulares de universidade	Anatomía e Embrioloxía Humana	Ciencias Morfolóxicas	Santiago de Compostela	C02013
8T/24	María Amparo	Novo Vázquez	***1062**	Profesoras e profesores titulares de universidade	Socioloxía	Ciencia Política e Socioloxía	Santiago de Compostela	C02016
12T/24	Carol Jean	Gillanders	***7402**	Profesoras e profesores titulares de universidade	Didáctica da Expresión Musical	Didácticas Aplicadas	Santiago de Compostela	C02020
13T/24	Carlos Sebastián	Villasante Larramendi	***7336**	Profesoras e profesores titulares de universidade	Economía Aplicada	Economía Aplicada	Lugo	C02021
14T/24	Francisco Jesús	Ferreiro Seoane	***6318**	Profesoras e profesores titulares de universidade	Economía Aplicada	Economía Aplicada	Santiago de Compostela	C02022
15T/24	Pedro	Varela Vázquez	***9871**	Profesoras e profesores titulares de universidade	Historia e Institucións Económicas	Economía Aplicada	Santiago de Compostela	C02023
44T/24	María Leonor	Varela Lema	***0861**	Profesoras e profesores titulares de universidade	Medicina Preventiva e Saúde Pública	Psiquiatría, Radioloxía, Saúde Pública, Enfermaría e Medicina	Santiago de Compostela	C02052