Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a declaración de utilidade pública, en concreto, da seguinte instalación eléctrica.

Denominación: cambio de sección en LMTA CHA815 entre os apoios núm. D14 e núm. 54 (Chantada)

Solicitante: UFD Distribución Electricidad, S.A.

Domicilio social: avenida América, 38, 28028 Madrid.

Características técnicas principais:

– Modificación da liña de alta tensión aérea LMTA CHA815 a 20 kV, no tramo comprendido entre o apoio núm. D14 e o apoio núm. 54, coa substitución de 28 apoios de formigón existentes por outros de celosía metálica. Substitución do condutor tipo LA-56 existente por un novo condutor tipo LA-110 sobre os apoios proxectados, cunha lonxitude de 4.128 m.

– Substitución do condutor tipo LA-30 existente por un novo condutor tipo LA-56 entre o apoio núm. 39 proxectado da LMTA CHA815 e o apoio núm. 39-CT, cunha lonxitude de 51 m.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con este acordo.

Aquelas persoas ou entidades que se consideren afectadas poderán presentar as alegacións que consideren oportunas neste departamento territorial (Edificio Administrativo da Xunta de Galicia en Lugo, rolda da Muralla, 70), no prazo de trinta días contado desde o día seguinte ao da última publicación.

A documentación estará á disposición das persoas interesadas nas dependencias da Sección de Enerxía deste Departamento Territorial de Lugo da Consellería de Economía e Industria (rolda da Muralla, nº 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 76), así como no Concello de Chantada. Ademais, tamén se poderá consultar no portal web da Consellería de Economía e Industria a través da seguinte ligazón:

https://economia.xunta.gal/transparencia/instalacions-electricas/chantada2

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados, segundo dispón o artigo 56.2 do Regulamento da Lei de expropiación forzosa (BOE núm. 160, do 20 de xuño).

Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.

Lugo, 4 de novembro de 2024

O director territorial de Lugo
P.A. (Artículo 40.3 do Decreto 140/2024, do 20 de maio)
Juan Carlos Morán del Pozo
Xefe do Servizo de Industria

ANEXO I

Relación de bens e dereitos afectados polo proxecto de cambio de sección en LMTA CHA815
entre os apoios núm. D14 e núm. 54 (Chantada)

Concello: Chantada (Lugo).

Expediente: IN407A 2024/17-2.

Nº de predio	Polígono	Parcela	Lugar	Cultivo	Propietario	Apoio (nº)	Apoio (m2)	Sup. (m2)	Voo (lonx.)	Voo (sup. m2)
7	42	143	Regueiro	Prado	Bispado de Lugo	24, 25	2	4
8	42	101	Lama Damedo	Labor	José Luis Areán Fernández e irmá	26	1	2
9	42	43	Cabanas	Labor	María Areán Fernández e esposo	29, 30	2	4
10	42	44	Cabanas	Labor	María Areán Fernández e esposo	31	1	2
14	40	315	Gandariña	Prado	Santiago Luis Negral González	37	1	2
15	40	203	Folladas	Prado	Antonio Barredo Otero e esposa	38, 39	2	4	33	521
16	40	316	Porto	Prado	Antonio Barredo Otero e esposa				13	164
18	39	122	Rizola	Prado	Herdeiros de Avelino Moure Regal	42, 43, 44	½+½+1	4
18/1	39	123	Rizola	Prado	María Luisa Méndez Ferreirós	42	½	1
18/2	39	124	Rizola	Prado	Javier Taboada Rodríguez	43	½	1