De conformidade coa proposta elevada pola comisión nomeada para xulgar o concurso para a provisión de prazas dos corpos docentes universitarios, convocadas mediante Resolución do 26 de xuño de 2024 (BOE do 2 de xullo), e presentada polas persoas interesadas a documentación a que fai referencia a base novena da convocatoria, esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e polo artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e as demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que deberá efectuarse no prazo máximo de 20 días, contados desde o día seguinte ao da publicación desta resolución no Boletín Oficial del Estado.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.

Contra a presente resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contados desde o seguinte ao da súa publicación no Boletín Oficial del Estado de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 20 de novembro de 2024

Antonio López Díaz
Reitor da Universidade de Santiago de Compostela

ANEXO

Número de concurso	Nome	Apelidos	DNI	Corpo docente	Área de coñecemento	Departamento	Localidade	Código da praza
21T/24	Álvaro	Goyanes Goyanes	***6504**	Profesoras e profesores titulares de universidade	Farmacia e Tecnoloxía Farmacéutica	Farmacoloxía, Farmacia e Tecnoloxía Farmacéutica	Santiago de Compostela	C02029
22T/24	Patricia	Díaz Rodríguez	***7252**	Profesoras e profesores titulares de universidade	Farmacia e Tecnoloxía Farmacéutica	Farmacoloxía, Farmacia e Tecnoloxía Farmacéutica	Santiago de Compostela	C02030
23T/24	María	Alonso Alonso	***3385**	Profesoras e profesores titulares de universidade	Filoloxía Inglesa	Filoloxía Inglesa e Alemá	Santiago de Compostela	C02031
24T/24	Noemí	Pereira Ares	***7050**	Profesoras e profesores titulares de universidade	Filoloxía Inglesa	Filoloxía Inglesa e Alemá	Santiago de Compostela	C02032
28T/24	Francisco Xavier	Lores Insua	***9358**	Profesoras e profesores titulares de universidade	Fundamentos da Análise Económica	Fundamentos da Análise Económica	Santiago de Compostela	C02036
35T/24	Eduardo José	Corbelle Rico	***9698**	Profesoras e profesores titulares de universidade	Enxeñaría Cartográfica, Xeodésica e Fotogrametría	Enxeñaría Agroforestal	Lugo	C02043
36T/24	Gemma María	Eibes González	***1508**	Profesoras e profesores titulares de universidade	Enxeñaría Química	Enxeñaría Química	Santiago de Compostela	C02044
37T/24	Margarita	García Candeira	***5973**	Profesoras e profesores titulares de universidade	Teoría da Literatura e Literatura Comparada	Lingua e Literatura Españolas, Teoría da Literatura e Lingüística Xeral	Santiago de Compostela	C02045
41T/24	María	Campos Magdaleno	***1811**	Profesoras e profesores titulares de universidade	Psicoloxía Evolutiva e da Educación	Psicoloxía Evolutiva e da Educación	Lugo	C02049
42T/24	Cristina	Lojo Seoane	***1460**	Profesoras e profesores titulares de universidade	Psicoloxía Evolutiva e da Educación	Psicoloxía Evolutiva e da Educación	Santiago de Compostela	C02050