Conforme o establecido no artigo 24 da Orde do 8 de maio de 2024 pola que se aproban as bases reguladoras da concesión de subvencións, en réxime de concorrencia competitiva, para a execución de microproxectos de cooperación para o desenvolvemento no exterior promovidos polos axentes de cooperación e se procede á súa convocatoria para o ano 2024, unha vez ultimada a concesión de axudas, publicarase no Diario Oficial de Galicia a relación das concedidas, con expresión da convocatoria, o programa e o crédito orzamentario a que se imputen, as beneficiarias, a cantidade concedida e a finalidade ou finalidades da subvención.

Na súa virtude,

RESOLVO:

Publicar no Diario Oficial de Galicia as axudas concedidas pola Resolución do 24 de xullo de 2024, do director xeral de Relacións Exteriores e coa Unión Europea, en virtude da delegación establecida na disposición adicional primeira da Orde do 8 de maio de 2024 (DOG núm. 100, do 24 de maio), que se relacionan no anexo:

– 3 microproxectos de cooperación para o desenvolvemento no exterior promovidos polos axentes de cooperación por un importe global de noventa mil euros (90.000,00 €), con cargo á aplicación orzamentaria 35.07.331A.490.0 dos orzamentos da Comunidade Autónoma de Galicia para 2024, nas contías, beneficiarios e finalidade que se relacionan no anexo desta resolución.

Santiago de Compostela, 21 de novembro de 2024

Jesús Gamallo Aller
Director xeral de Relacións Exteriores e coa Unión Europea

ANEXO

Axudas para microproxectos

Nº expte.	Entidade solicitante	Denominación do proxecto	Orzamento total	Subvención solicitada	Subvención concedida
PR804B 2024-6	Cooperación Internacional	Formación técnica ocupacional para impulsar a inserción laboral e previr a migración de mozas e mulleres en situación de vulnerabilidade, Guatemala	45.837,37	30.000,00	30.000,00
PR804B 2024-9	Asociación Cidel Galicia	Liderado comunitario xuvenil para xerar espazos de incidencia social e política para a mellora da igualdade de xénero no municipio de Baitoa e no municipio de Santiago de los Caballeros, República Dominicana	33.070,74	30.000,00	30.000,00
PR804B 2024-7	Asociación Integral de Rescate Emergencias, AIRE	Protección civil saharauí, fase II	67.285,00	30.000,00	30.000,00
Total				90.000,00	90.000,00